లేడీ ఆఫ్ హార్లీ కన్నుమూత

Posted: 04/13/2016 12:16 PM IST

ప్రముఖ మహిళ బైకర్ వీనూ పాలీవాల్ రోడ్డు ప్రమాదంలో మరణించారు. స్టైలిష్ బైక్ రైడర్ గా ‘లేడీ ఆఫ్ హార్లీ’ గా, హాగ్‌ (హార్లీ ఓనర్స్‌ గ్రూప్‌) రాణిగా పేరొందిన వీనూ పాలీవాల్ రోడ్డు ప్రమాదంలో మరణించారు. వీనూ పాలీవాల్ ఇటీవలే హోలీ కార్యక్రమం అనంతరం మరో బైకర్ దీపేష్ తన్వర్ తో కలిసి జైపూర్ నుంచి బైక్ పై కశ్మీర్ నుంచి కన్యాకుమారి యాత్రకు బయల్దేరింది. కానీ ఆమె మధ్యప్రదేశ్ లో దుర్మరణం చెందారు.

సోమవారం ఉదయం లఖ్నవ్ నుంచి హార్లీ, దీపేష్ లు భోపాల్ కు బైక్ లపై బయల్దేరారు. అయితే మధ్యప్రదేశ్ లోని విదిశ జిల్లా గ్యార్సపూర్ ప్రాంతంలో వీనూ పాలీవాల్ నడుపుతున్న బైక్ స్కిడ్ అవడంతో, వేగం అదుపుతప్పి.. కిందపడి తీవ్ర గాయాలపాలయ్యింది. దీంతో వెంటనే ఆమెను దీపేష్ సమీపంలోని హాస్పిటల్ కు తరలించారు.

ప్రాథమిక చికిత్స అనంతరం... వీనూ పాలీవాల్ ను విదిశ హాస్పిటల్ కు తరలించారు. వైద్యులు ఎంత ప్రయత్నించినప్పటికీ.. వీనూ పాలీవాల్ ప్రాణాలను కాపాడలేకపోయారు. ఈ రోడ్డు ప్రమాదంలో వీనే కాలేయం బాగా దెబ్బతినడం వల్ల ఆమె మరణించినట్లుగా పోస్ట్ మార్టంలో తేలింది. పోస్ట్ మార్టం అనంతరం ఆమె మృతదేహాన్ని జైపూర్ లోని ఆమె స్వస్థలానికి తరలించారు.