నో చెప్పినా వదలనుంటున్న ఫేస్ బుక్ చీఫ్

Posted: 02/09/2016 09:54 AM IST

టెలికాం రెగ్యులేటరీ అథారిటీ ఆఫ్ ఇండియా (ట్రాయ్) వల్ల ఫేస్ బుక్ చీఫ్ మార్క్ జుకెర్బర్గ్ నిరాశకు గురయ్యారట. ‘ఫ్రీ బేసిక్స్’ పేరిట భారత ఇంటర్నెట్ వినియోగదారులను తన ఆధీనంలో వుంచుకునేందుకు ప్రయత్నాలు చేసిన జుకెర్బర్గ్ కు ట్రాయ్ అడ్డుచెప్పింది. జుకెర్బర్గ్ చెప్పిన ఫ్రీ బేసిక్స్ కాన్సెప్ట్ సరైన విధంగా లేదనే వుద్దేశ్యంతో ట్రాయ్ నో చెప్పేసింది.

ఫ్రీ బేసిక్స్ వంటి టారిఫ్ ల ఇంటర్నెట్ లకు ట్రాయ్ ససేమిరా నో చెప్పేసింది. దీనిపై స్పష్టమైన, విధివిధానాలతో కూడా ఉత్తర్వులు జారీ అయ్యాయి. ట్రాయ్ నిర్ణయం వెలువడించిన వెంటనే మార్క్ జుకెర్ బర్గ్ స్పందించాడు. ట్రాయ్ నిర్ణయం తనకు తీవ్ర నిరాశకు గురిచేసిందని తన ఫేస్ బుక్ అకౌంట్ లో పోస్ట్ చేసారు.

అయినా కూడా తాను నిర్దేశించుకున్న గమ్యాన్ని చేరుకునే విషయంలో ఎలాంటి రాజీ పడనని, బహుళ ప్రయోజనాలున్న 'ఇంటర్నెట్ ఆర్గ్ ను ఒక్క భారత్ లోనే కాక విశ్వవ్యాప్తంగా ఆమోదం పొందేలా చేయడమే తన కర్తవ్యమని మార్క్ జుకెర్ బర్గ్ పేర్కొన్నారు.