తిరుపతి హుండీలో వేలు వేయలేదు.. టిటిడి ఈఓ స్పష్టం

Posted: 01/12/2016 11:48 AM IST

సంచనలం సృష్టించిన కాంగ్రెస్ ఏకలవ్య  స్టోరీలో కొత్త ట్విస్టు వెలుగులోకి వచ్చింది. నేషనల్ హెరాల్డ్ కేసులో రాహుల్ గాంధీ, సోనియాగాంధీలకు బెయిలు వస్తే తాను తన వేలును దేవుడికి మొక్కుగా చెల్లిస్తానని... దాన్ని చెల్లించాడన్న వార్త సెన్సేషన్ ను క్రియేట్ చేసింది. తిరుమల తిరుపతి శ్రీవెంకటేశ్వరస్వామి వారి హుండీలో తన మొక్కును చెల్లించినట్లు ఆయన వెల్లడించారు. అయితే తిరుమల తిరుపతి దేవస్థానం మాత్రం దీన్ని ఖండిస్తోంది. రెండు వేల సంవత్సరాల నాటి ఆలయంలో ఇలాంటి వాటికి చోటులేదని డిప్యూటీ ఈవో రమణ వెల్లడించారు.

కాంగ్రెస్ కార్యకర్త ఒకరు టిటిడి హుండీలో తన వేలును సమర్పిచినట్లు వచ్చిన వార్తల్లో నిజం లేదని అంటున్నారు. అసలు ఇలాంటి వాటికి తావు లేదని కూడా ఆయన అంటున్నారు. హుండీ చుట్టూ కెమెరాలు ఉంటాయని.. సెక్యూరిటీ ఎంతో కట్టుదిట్టంగా ఉంటుందని... ఎంతో మంది తమ నగదు, నగలను స్వామి వారికి సమర్పిస్తారని అంతే కానీ ఇప్పటి వరకు ఎవరూ కూడా వేలిని సమర్పించడం జరగలేదని అంటున్నారు. రోజుకు మూడు సార్లు స్వామి వారికి వచ్చిన కానుకలను లెక్కిస్తామని... పూర్తి నిఘా మధ్య స్వామి వారి హుండీని లెక్కిస్తామని అంటున్నారు. అయితే ఇప్పటి వరకు దీని మీద వార్తలు వస్తే చూడండం తప్పితే అందులో నిజం లేదని అంటున్నారు. అలాగే తప్పు వార్తల వల్ల ఆలయ ప్రాశస్తాన్ని నాశనం చెయ్యవద్దని కూడా ఆయన కోరుతున్నారు.