ITEMVIDEOS: హనుమంతుడు సాయిబాబాను తరిమితే...?

Posted: 11/02/2015 11:24 AM IST

హిందు దేవుళ్లలో హనుమంతుడు ప్రముఖ దేవుడు. అయితే సాయిబాబాకు, హనుమంతుడి మధ్య పోరాటం మొదలైంది.. వీర హనుమంతుడు సాయిబాబామీద దండెత్తాడు.. ఓ చెట్టును మొదల్లతో సహా పీకి సాయిబాబాను తరుముతున్నారు.. ఇదంతా ఎక్కడ అనుకుంటున్నారా..? తాజాగా స్వామి శంకరాచార్య విడుదల చేసిన పోస్టర్లో కనిపించిన దృష్యం ఇది. దేశంలో ఎంతో మంది హిందు భక్తులు సాయిబాబాను దైవంగా కొలుస్తున్నారు. అయితే సాయిబాబా దేవుడు కాదని.. అంటున్నారు స్వరూపానంద సరస్వతి. గతంలొ కూడా సాయిబాబా దేవాలయాల మీద సరస్వతి తీవ్ర వ్యాఖ్యలు చేశారు.

వచ్చే మూడేళ్లలో దేశంలోని అన్ని షిరిడీ సాయిబాబా ఆలయాలనూ కూలగొట్టి హనుమంతుడి దేవాలయాలు నిర్మిస్తామని సనాతన ధర్మాలు బోధించే శంకరాచార్య స్వామీజీ స్వరూపానంద సరస్వతి సంచలన వ్యాఖ్యలు చేశారు. తన కలలో ఆంజనేయుడు వచ్చి సాయిని తరిమికొడుతున్నట్టు కనిపించిందని చెబుతూ, ఓ చిత్రాన్ని విడుదల చేశారు. సాయిబాబా అసలు పేరు చాంద్ మియా అని, ఆయన చనిపోయి చాలా రోజులైందని, ఆయన్ను దేవుడిలా కాకుండా, దెయ్యంలా చూస్తున్నామని వ్యాఖ్యానించారు. సాయి భక్తులు పెరగడం ఆందోళన కలిగిస్తోందని, దీని వెనుక సనాతన హిందూ దేవుళ్లను మాయం చేసే కుట్ర దాగుందని ఆయన ఆరోపించారు.