మ్యాగీ నూడుల్స్ వివాదం.. తాజా పరీక్షలకు కోర్టు అదేశం

Posted: 10/15/2015 08:51 PM IST

Maggi noodles to be retested for class action suit

మ్యాగీ నూడుల్స్ వివాదం ఒక్క అడుగు ముందుకు.. రెండగులు వెనక్కు అన్నట్లగా సాగుతోంది. మ్యాగీని మరోమారు భారతీయ మార్కెట్లోకి ప్రవేశపెట్టేందుకు నెస్లే ఇండియా సంస్థ చేస్తున్న ప్రయాత్నాలు మళ్లీ మొదటికోచ్చాయి. మ్యాగీ నూడుల్స్ శాంపిల్స్‌ను మరోసారి పరీక్షించాలని వినియోగదారుల అత్యున్నత న్యాయస్థానం గురువారం ఆదేశించింది. తొమ్మిది బ్యాచ్‌లకు చెందిన 9 మ్యాగీ పాకెట్లను గుర్తింపు పొందిన ల్యాబ్స్‌లో టెస్ట్ చేయాలని పేర్కొంది. అధిక మోతాదులో సీసం ఉన్నట్లు ఆరోపణలు రావడంతో పలు రాష్ట్రాలు మ్యాగీ నూడుల్స్‌ను నిషేధించాయి. దీంతో మొన్నటి వరకు చిన్నా పెద్దా అందరూ అమితంగా ఇష్టపడి తినే మ్యాగీ నూడుల్స్ అమ్మకాలు దేశ వ్యాప్తంగా నిలిచిపోయాయి. దీనిపై కోర్టును ఆశ్రయించిన నెస్లే ఇండియా కంపెనీ తమ ఉత్పత్తులు నాణ్యమైనవేనని వాదిస్తోంది.

దీంతో జాతీయ వినియోగదారుల వివాదాల పరిష్కార కమిషన్ మ్యాగీ నూడుల్స్‌ను మరోసారి పరీక్షించాలని నిర్ణయించింది. మ్యాగీ ప్యాకెట్ల సీల్ తనిఖీ చేసిన తర్వాతే వీటిని పరీక్షకు పంపాలని పేర్కొంది. ఈ శాంపిల్స్‌ సేకరించేందుకు జాతీయ, ఆహార భద్రత స్టాండర్డ్స్ అథారిటీని అనుమతించాలన్న ప్రభుత్వ న్యాయవాది డిమాండ్‌ను ‌వినియోగదారుల అత్యున్నత కోర్టు తిరస్కరించింది. ఒకవేళ ఈ పరీక్షల్లో గట్టెక్కితే మ్యాగీ నూడుల్స్ మార్కెట్లలో కనిపించే అవకాశముంది. తమ బ్రాండెట్ ఉత్పత్తి అయిన మ్యాగీని తిరిగి మార్కెట్లోకి తెచ్చేందుకు నెస్లే ఇండియా సంస్థ శతవిధాలుగా ప్రయత్నిస్తోంది.

జి. మనోహర్