రిషితేశ్వరి కేసు నిందితులకు బెయిల్ తిరస్కరణ

Posted: 09/03/2015 09:48 PM IST

ఆచార్య నాగార్జున విశ్వవిద్యాలయం అర్కిటెక్చర్ మొదటి సంవత్సరం విద్యార్థిని ఎం.రుషితేశ్వరి మృతి కేసులో నిందితుల తరపున దాఖలైన బెయిల్ పిటిషన్‌ ను జిల్లా సెషన్స్ కోర్టు కొట్టేసింది. ఈ కేసులో నిందితులుగా ఉన్న హనీషా, జయచరణ్, శ్రీనివాస్ లు తమకు బెయిట్ మంజూరు చేయాలని కోరుతూ దాఖలు చేసుకున్నారు. నిందితుల బెయిల్ పిటిషన్ పై గురువారం న్యాయస్థానం విచారణ జరిపింది. ఇరు పక్షాల వాదనలు విన్న తరువాత నిందితులకు బెయిల్ ఇచ్చేందుకు న్యాయస్థానం నిరాకరించింది.

ఈ సందర్భంగా రిషితేశ్వరి కేసులో నిందితులు దాఖలు చేసుకున్న బెయిల్ పిటిషన్ ను జిల్లా సెషన్స్ కోర్టు కొట్టేసింది. గత రెండు నెలల క్రితం ర్యాగింగ్ కారణంగా రిషితేశ్వరి అనే విద్యార్థి ఆత్మహత్యకు పాల్పడింది. దీనిపై విచారించిన బాల సుబ్రహ్మణ్యం కమిటీ విద్యార్థిని ఆత్మహత్యకు ర్యాగింగ్ కే ప్రధాన కారణమని తన నివేదికలో స్పష్టం చేసింది. రిషితేశ్వరి రాసిన డైరీ ఆధారంగా పోలీసులు పలువురిని ప్రధాన నిందితులుగా అరెస్టు చేశారు. అయితే వీరందరూ గత 49 రోజులుగా రిమాండ్ లో ఉన్నారు.

జి. మనోహర్