ITEMVIDEOS: గగనతలంలో ప్రమాదం.. ఢీ కోన్న విమానాలు..

Posted: 08/17/2015 11:39 AM IST

 అమెరికాలో శాన్ డియాగో కౌంటీలో విషాదం చోటుచేసుకుంది. ఎదురెదురుగా వస్తున్న విమానాలు అనూహ్యంగా ఢికొన్నాయి. ఈ విమాన ప్రమాదంలో నలుగురు మృతి చెందారు. రెండు చిన్న విమానాలు గగనలంలో ఢీకోనడంలో ఈ దుర్ఘటన చోటుచేసుకుంది. అమెరికా కాలమానం ప్రకారం ఆదివారం ఉదయం 11 గంటల ప్రాంతంలో ఈ ప్రమాదం జరిగిందని పౌర విమానయాన శాఖ తెలిపింది. బ్రౌన్ ఫీల్డ్ ప్రాంతానికి వెళుతుండగా పొలాల్లో రెండు విమానాలు ఢీకొన్నాయి.

రెండు ఇంజిన్ల సాబ్రిలైనర్ జెట్, సింగిల్ ఇంజిన్ సెస్ న్నా 172 విమానం పరస్పరం ఢీ కొన్నాయి. వెంటనే మంటలు వ్యాపించడంతో రెండు విమానాలు కిందకు కూలిపోయాయి. ఈ ప్రమాదంలో కనీసం నలుగురు మృతి చెందినట్టు అధికారులు వెల్లడించారు. అగ్నిమాపక దళాలు మంటలను అదుపులోకి తెచ్చాయి. మంటలు ఆర్పుతుండగా అగ్నిమాపక దళానికి చెందిన ఒకరు గాయపడ్డారు. అయితే ప్రమాదానికి గల కారణాలను అన్వేషిస్తున్నామని అధికారులు చెప్పారు.

జి. మనోహర్