నీళ్లను కాపాడే నల్ల బాల్స్.. కిర్రాక్ ఐడియా

Posted: 08/13/2015 11:10 AM IST

The sea of 96million plastic balls that la hopes will save it from drought

నీరే ప్రాణ కోటికి ప్రాణాధారం.. ప్రతి చుక్కను ఒడిసిపడదాం ఇలా ప్రభుత్వం నీటి ప్రాధాన్యత మీద ఎంతో ప్రచారం చేస్తోంది. ఎండాకాలంలో అయితే నీటికి ఎన్ని కష్టాలు పడతామో అందరికి తెలుసు. ప్రతి రోజు నీటికి కటకట అనే వార్తలు చూసీ చూసీ.. ఆ పరిస్థితిని మనం అనుభవించి అలవాటైంది. అయితే ప్రతి చుక్కను ఒడిసిపట్టడంలో మనం విఫలమవుతూనే ఉన్నాం. అయితే కాలిఫోర్సియాలో మాత్రం దీనికి విరుగుడు సృష్టించారు. అది కూడా మామూలుగా కాదు ప్రపంచం మొత్తం అవాక్కయ్యేలా కొత్త ఐడియాతో ప్రతి నీటిచుక్కను ఆపే ప్రయత్నం చేస్తున్నారు. నీళ్లను వృధా చెయ్యకండి బాబూ అంటూ ఓ వైపు ప్రచారం చేస్తూనే మరోవైపు ఉన్న నీటిని ఎలా కాపాడుకోవాలొ కాలిఫోర్నియా రాష్ట్రం ప్రపంచానికి చూపించింది.

అమెరికాలోని కాలిఫోర్నియాలో తీవ్ర కరువు ఏర్పడింది. నీటి కోసం అక్కడి జనాలు అల్లాడిపోతున్నారు. నీళ్లుంటే అక్కడ పండగ అన్నంతలా తయారూంది పరిస్థితి. ఎండల తీవ్రత అంతకంతకు పెరుగుతుండటంతో జల వనరులు ఎండిపోతున్నాయి. అసలే కరువుచ ఉన్న నీళ్లు కూడా ఎగిరిపోతే ఇక ప్రజలకు చుక్కలే కనిపిస్తాయి. అప్పుడే అక్కడి వారికి ఓ చక్కటి ఆలోచన వచ్చింది. ఎలాగైనా సరే నీళ్లు ఎండ వేడిమికి ఎగిరిపోకుండా అడ్డుకోవాలని ప్లాన్ వేశారు. అందులో భాగంగా 75 ఎకరాల్లో విస్తరించివున్న లాస్ ఏంజెలిస్ మంచినీటి రిజర్వాయర్లో తీవ్రమైన ఎండల కారణంగా నీరు ఆవిరైపోకుండా ఉండేందుకు ప్లాస్టిక్ బాల్స్‌ను వాటిల్లోకి వదిలారు. పెద్ద పరిమాణంలోని ఆపిల్ అంతా ఉండే ప్లాస్టిక్ బాల్స్‌ను దాదాపు పదికోట్లు వదిలినట్లు లాస్ ఏంజెలిస్ డిపార్ట్‌మెంట్ ఆఫ్ వాటర్ అండ్ పవర్ అధికారులు తెలిపారు.

ఎండకు నీరు ఆవిరికాకుండా ఉండడంతోపాటు రసాయనిక చర్యలవల్ల నీరు కలుషితం కాకుండా ఉంటుందని, నల్ల రంగు బాల్స్‌ను వాడడంవల్ల సూర్యుడి అల్ట్రా వాయిలెట్ కిరణాలు కూడా నీటిపై ప్రభావం చూపవని అధికారులు వివరించారు. అంతేకాకుండా పక్షులు, ఇతర జంతువులు కూడా రిజర్వాయర్‌లోకి ప్రవేశించకుండా ఈ ప్లాస్టిక్ బాల్స్ అడ్డుకుంటాయని వారు చెప్పారు. తాము తీసుకున్న ఈ చర్య వల్ల ఏడాదికి 30 కోట్ల గ్యాలన్ల నీటిని పరిరక్షించుకోవచ్చని, ఈ నీటితో 8100 మంది ప్రజలకు ఏడాదిపాటు మంచినీటిని సరఫరా చేయొచ్చని వివరించారు. పైగా ఈ తరహా విధానం ద్వారా తమకు ఏడాదికి రూ.2,500 కోట్లు కలిసొస్తాయని చెబుతున్నారు. కానీ, పర్యావరణ సమతౌల్యం మాత్రం వారు విస్మరిస్తున్నారు. పశు పక్షాదుల దాహార్తిని తీర్చే తరుణోపాయం గురించి కూడా ఆలోచించడం లేదు.