ఆ యువతి ఉసురు తీసిన యువకుడు.. ఆశలన్నీ అడియాశలు..

Posted: 08/06/2015 07:24 PM IST

Young girl suicide as fiance rejects to marriage after engagement

అంతా సవ్యంగా సాగివుంటే.. ఆ అమ్మాయి అతడికి సతీమణి. అతగాడు అమెకు పెనిమిటి. ఇదేం ప్రేమ వివాహం కాదు.. పెద్దలు కుదుర్చుకున్న వివాహమే. కుందనపు బోమ్మలా ఉన్న ఆ ఆమ్మాయిని చూసి చూడగానే పెళ్లి చేసుకుంటానని చెప్పాడు. నిశ్చితార్థం కూడా చేసుకున్నాడు. ఆ తరువాత మరో డబ్బుగల సంబంధం వచ్చిందో ఏమె.. లేక ఆటపట్టించడానికే అన్నాడో తెలియదు కానీ అమ్మాయి నచ్చలేదని అన్నాడు. అప్పటి వరకు తన పెళ్లిని ఊహించుకుంూ ఆశల పల్లకిలో తేలియాడుతున్న యువతికే నేరుగా ఆ యువకుడు ఫోన్ చేసి విషయాన్ని చెప్పాడు. దీంతో మనస్థాపానికి గురైన ఓ యువతి ఉరేసుకొని ఆత్మహత్య చేసుకుంది.

ఈ సంఘటన బాలానగర్ ప్రాంతంలో చోటు చేసుకుంది. బాలానగర్ సీఐ సైదులు తెలిపిన విరాల ప్రకారం. నిజామాబాద్ జిల్లా బోధన్‌కు చెందిన భూలక్ష్మి తన ఇద్దరు పిల్లలతో సహా వినాయక్‌నగర్‌లో నివాసముంటోంది. ప్రైవేట్ కంపెనీలో ఉద్యోగం చేస్తున్న ఆమె తన కుమార్తె అనూషగౌడ్‌కు నిజామాబాద్ జిల్లాకు చెందిన సందీప్‌గౌడ్ (26)తో వివాహం చేసేందుకు పెద్దల సమక్షంలో సంబంధం కుదరుర్చకుంది. ఇందులో భాగంగా జూన్ 7న నిశ్చితార్థం జరిగింది. అప్పటి నుంచీ కాబోయే దంపతులిద్దరు తరచూ ఫోన్‌లో మాట్లాడుకునేవారు.

ఇదిలా ఉండగా మరో సంపన్నుల సంబంధం వచ్చిందో.. లేక మరే కారణమో తెలియదు కానీ మంగళవారం అనూషకు ఫోన్ చేసిన సందీప్‌గౌడ్.. ‘‘నువ్వంటే నాకిష్టం లేదు. వేరే అబ్బాయిని పెళ్లి చేసుకో’’ అని చెప్పడంతో అమె మనస్థాపానికి లోనైంది. తన తల్లికి ఫోన్ చేసి విషయం చెప్పింది. దీంతో ఆమె ఇంటికి వచ్చి కుమార్తెను ఓదార్చి తిరిగి డ్యూటీకి వెళ్లిపోయింది. ఇదిలా ఉండగా తాను ఊహించుకున్న కలల ప్రపంచం తనకు అందకుండానే అదృశ్యం కావడంతో తీవ్ర మనోవేధనకు గురైన అనూష సాయంత్రం వంటగదిలో కొక్కేనికి ఉరేసుకుని ఆత్మహత్యకు పాల్పడింది. ఆమెను స్థానికంగా ఉన్న ప్రైవేట్ ఆసుపత్రికి తీసుకెళ్లగా అప్పటికే మృతి చెందిందని డాక్టర్లు తెలిపారు.

జి.మనోహర్