మెమెన్ మృతదేహాన్ని కుటుంబసభ్యులకు అప్పగింత.. ముంబైలోనే ఖననం

Posted: 07/30/2015 03:28 PM IST

ముంబై పేలుళ్ల ఘటనలో ఉరి శిక్ష పడిన యాకూబ్‌ మెమెన్‌ను గురువారం ఉదయం నాగ్‌పూర్‌ జైల్లో ఉరి అమలు చేశారు. అనంతరం ఆయన మృత దేహాన్ని కుటుంబ సభ్యులకు అప్పగించారు. నాగ్‌పూర్‌ జైలు నుంచి అంబులెన్స్‌లో యాకూబ్‌ మృతదేహాన్ని తీసుకువెళ్లారు. నాగ్‌పూర్‌ జైల్లోనే పోస్టుమార్టం నిర్వహించారు. ఎక్కడ ఖననం చేయాలన్నది తర్వాత నిర్ణయిస్తామని మహారాష్ట్ర హోంశాఖ తెలిపింది. ముంబైలోనే ఏదో ఒక ప్రాంతంలో ఖననం చేయనున్నారు.

యాకూబ్‌ మెమెన్‌ను ఉగ్రవాద కేసులో ఉరి తీయడంతో అతని సమాధి వివరాలు బయటకు తెలియజేయడం సరికాదని హోంశాఖ అభిప్రాయపడింది. మెమెన్‌ మృత దేహాన్ని నాగ్‌పూర్‌ జైల్‌ నుంచి అంబులెన్స్‌లో విమానాశ్రయం వరకు తీసుకువచ్చి ఇండిగో విమానంలో మృత దేహాన్ని ముంబైకి తరలించారు. మహిన్‌ ప్రాంతంలో ఉన్న ఆయన నివాసానికి మృతదేహాన్ని తీసుకువెళ్లాలని యాకూబ్‌ బంధులు భావిస్తున్నట్లుగా తెలియవచ్చింది. ఈ నేపథ్యంలో ప్రభుత్వం గట్టి భద్రతను ఏర్పాటు చేసింది. ఎక్కడ ఖననం చేయాలన్నదానిపై స్పష్టత లేదు

జి.మనోహర్