కేసీఆర్ టార్గెట్ వాళ్ల కొడుకులే

Posted: 07/02/2015 03:53 PM IST

చంకలో మేక పిల్లను పెట్టుకుంటే తల్లి మేక ఆటోమేటిక్ గా వచ్చేస్తుంది. ఇది మనం రోజూ చూసే ఘటన. ఇక్కడ ఒక్కటే సూత్రం. పెంటిమెంట్ కారణంగా రిస్క్ తగ్గుతుంది. అయితే తెలంగాణ ముఖ్యమంత్రి కేసీఆర్  ఇదే సూత్రాన్ని బాగా వంటపట్టించుకున్నారు. కాబట్టే తాజాగా సూపర్ ప్లాన్ వేశారు. అదేంటంటే వేరే పార్టీ నుండి వలసలను ఆహ్వానించడమే కాకుండా 24 గంటలు పార్టీ తలపులను బార్లా తెరిచి ఉంచుతున్నారు. అయితే తాజాగా జరుగుతున్న వలసల వెనుక కేసీఆర్ స్ట్రాటజీ ఉంది. అదేంటంటే తమ కన్నా తమ కొడుకుల భవిష్యత్తులను ఆలోచిస్తున్న సీనియర్ లీడర్లను టార్గెట్ చేస్తున్నారు కేసీఆర్. కొడుకులకు రాజకీయ భవిష్యత్తునె ఆశగా చూపుతూ కేసీఆర్ వేస్తున్న ఎత్తుకు ఎవరైనా ఫిదా కావాల్సిందే. తాజాగా డిఎస్ కాంగ్రెస్ కు చెయ్యచ్చి కారెక్కుతున్నారు. అయితే డిఎస చేరిక వెనుక డిఎస్ కొడుకు సంజయ్ కోణం ఉందని తెలుస్తోంది.

నిజామాబాద్ జిల్లా నుండి మంత్రిగా, పిసిసి అధ్యక్షుడిగా పని చేసిన డిఎస్ తన కొడుకు సంజయ్ రాజకీయ భవిష్యత్ మీద దృష్టి పెట్టారు. నిజామాబాద్ మేయర్ గా పని చేసిన సంజయ్ కు భవిష్యత్ లో ఎమ్మెల్యే టికెట్ ఆశిస్తున్నారు డిఎస్. అందుకే హస్తానికి చెయ్యిచ్చి కారెక్కుతున్నారు. అలాగే జానారెడ్డి కొడుకు రఘురెడ్డి కోసం కారెక్కుతారని సమాచారం. ఇలా ఒక్కరు ఇద్దరు కాకుండా ఎనిమిది మంది సీనియర్ నాయకుల కొడుకులను టార్గెట్ గా చేసి పావులు కదుపుతున్నారు కేసీఆర్.

కేసీఆర్ టార్గెట్ గా అనుకుంటున్న వ్యక్తులు..

1.డిఎస్ కొడుకు సంజయ్
2.జానా రెడ్డి కొడుకు రఘు రెడ్డి
3.ముఖేష్ గౌడ్ కొడుకు విక్రమ్ గౌడ్
4.దామోదర్ రెడ్డి కొడుకు సర్వోత్తమ్ రెడ్డి
5.సబిత రెడ్డి కొడుకు కార్తీక్ రెడ్డి
6.ముత్యం రెడ్డి కొడుకు శ్రీనివాస్ రెడ్డి
7.సురేష్ రెడ్బి కొడుకు అమిత్ రెడ్డి
8.మర్రిశశిధర్ రెడ్డి కొడుకు ఆదిత్యరెడ్డి