హైదరాబాద్ నగరంలో సొంత ఇల్లు లేకుండా జీవనం కొనసాగిస్తున్న వారందరికీ ఓ బంపరాఫర్! ఒకేసారి భారీ మొత్తం చెల్లించి ఇంటిని కొనుగోలు చేయలేని వారికోసం జీహెచ్ఎంసీ ఓ పథకాన్ని అమలులోకి తీసుకొచ్చేందుకు సన్నాహాలు చేస్తోంది. ‘అద్దె చెల్లించండి.. కొన్నేళ్ల తర్వాత మీరే ఆ ఫ్లాటును సొంతం చేసుకోండి!’ అని జీహెచ్ఎంసీ ‘రియల్’ ఆఫర్ తీసుకువచ్చింది. అద్దె ఇళ్లలో ఉండే ప్రజల సొంతింటి కల నెరవేర్చేలా ‘హైర్ అండ్ పర్చేజ్’ (అద్దె చెల్లించండి.. సొంతం చేసుకోండి) అనే పథకాన్ని ప్రారంభించాలని జీహెచ్ఎంసీ భావిస్తోంది. ప్రభుత్వం గ్రీన్ సిగ్నల్ ఇవ్వగానే దీనిపై అడుగు ముందుకు వేయనున్నట్లు సమాచారం!
నగరంలో మధ్యతరగతి ప్రజలకు సొంత ఇల్లు కలగానే మిగులుతోంది. నెలనెలా అద్దెరూపంలో వేలకువేలు చెల్లిస్తున్నారు. ఎప్పటికీ అద్దె ఇల్లే గతి అవుతున్న వారిని ‘సొంతిటి’కి యజమానులను చేయడమే ఈ పథకం ఉద్దేశం. ఇందులో భాగంగా ‘గ్రేటర్’ పరిధిలో ఖాళీగా వున్న స్థలాల్లో బహుళ అంతస్తుల్లో డబుల్బెడ్ రూమ్ ఇళ్లను నిర్మిస్తారు. దానికయ్యే ఖర్చునుబట్టి చెల్లించాల్సిన అద్దెను, చెల్లించాల్సిన కాలాన్ని జీహెచ్ఎంసీ నిర్ణయిస్తుంది. ఇప్పటిదాకా సొంత ఇల్లు లేని వారందరూ జీహెచ్ఎంసీ ప్రవేశపెట్టిన నిబంధనలను, నిర్ణీత డాక్యుమెంట్లకు అనుకూలంగా అంగీకరించిన వారికి ఈ ఫ్లాట్లను కేటాయిస్తారు. నిర్దిష్టకాలం అద్దె కట్టిన తర్వాత... ఫ్లాటు వారి సొంతమైపోతుంది. దీనిపై ఇంకా ప్రాథమిక చర్చలు జరుగుతున్నాయని... సర్కారు ఇందుకు గ్రీన్ సిగ్నల్ ఇవ్వగానే పక్కాగా పథకాన్ని రూపొందిస్తామని జీహెచ్ఎంసీ అధికారి ఒకరు తెలిపారు.
కాగా, పేదలకు పక్కా గృహాలను ప్రస్తుతమున్నట్లుగా కాకుండా... ఆరంతస్తుల్లో నిర్మించేందుకు జీహెచ్ఎంసీ సన్నాహాలు చేస్తోంది. సమగ్ర కుటుంబ సర్వే ప్రకారం గ్రేటర్లో 2 లక్షల ఇల్లు అవసరమని సీఎం కేసీఆర్ ప్రకటించారు. వారికి డబుల్ బెడ్రూమ్ ఇల్లు నిర్మించి ఇచ్చే బాధ్యతను జీహెచ్ఎంసీకి అప్పగించారు. గ్రేటర్లో స్థలాల లభ్యత తక్కువగా ఉన్న నేపథ్యంలో... జీ+2 కాకుండా, ఎక్కువ అంతస్తులు నిర్మించాలని నిర్ణయించినట్లు తెలుస్తోంది. అంటే.. ఇక సొంతిల్లులేని వారి కల త్వరలోనే నెరవేరనుందన్నమాట!
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more