ISIS తీవ్రవాదులు మరో ‘దారుణమైన’ కిరాతకం..

Posted: 04/10/2015 09:35 PM IST

రానురాను ISIS తీవ్రవాదుల దురాగతాలకు అంతులేకుండా పోతోంది. తమకు అడ్డుచెప్పేవాడని లేడన్న అహంకారంతో తమలో దాగివున్న రాక్షసత్వాన్ని సాధారణ ప్రజలపై చూపుతున్నారు. ఇప్పటికే వందలాది ప్రాణాలను బలిగొన్న ఈ తీవ్రవాదుల మరో కిరాతకం తాజాగా వెలుగులోకొచ్చింది. చెప్పిన మాట వినలేదన్న కారణంతో పదిమంది వైద్యులను నిర్దాక్షిణ్యంగా కాల్చి చంపేశారు.

ఇరాక్ లోని మొసూల్ నగరంలో ISIS తీవ్రవాదులకు, స్థానిక ప్రభుత్వ గ్రూపులకు మధ్య గత కొన్నేళ్లుగా పోరాటం కొనసాగుతున్న విషయం తెలిసిందే! ఈ క్రమంలోనే ఈ రెండు గ్రూపుల్ మధ్య తాజాగా భీకరమైన పోరాటం జరుగుతోంది. దీంతో మొసూల్ పట్టణం తుపాకీ కాల్పులతో దద్దరిల్లుతోంది. ఇక ఈ పోరాటంలోనే గాయపడిన తమ సహచరులకు చికిత్స చేయాలంటూ ISIS ఉగ్రవాదులు స్థానిక వైద్యులను ఆదేశించారు. అయితే.. సదరు వైద్యులు వారికి వైద్యం చేసేందుకు నిరాకరించారు.

అంతే! ISIS ఉగ్రవాదులు ఆ పదిమంది వైద్యులను ఎడారిలో తీసుకొచ్చి, వారి చేతులు విరిచేసి, మోకాళ్లపై కూర్చోబెట్టి, వారి తలలపై తుపాకులు ఎక్కుపెట్టి నిర్దాక్షిణ్యంగా కాల్చి చంపేశారు. ఈ మొత్తం ఘటనను అల్ సుమారియా అనే శాటిలైట్ ఛానెల్ ప్రసారం చేసింది. ఇదేవిధంగా గత అక్టోబర్ లో కూడా ఇద్దరు మహిళా డాక్టర్లు ఈ ISIS ఉగ్రవాదుల చేతుల్లో మొసూల్ లోనే దారుణంగా మరణించారు.

AS