https://mail.teluguwishesh.com/
Secretariate | Telangana | Erragadda
ఎర్రగడ్డలో ఛెస్ట్ ఆస్పత్రి స్థానంలో కొత్తగా తెలంగాణ సెక్రటేరియట్ నిర్మించనున్న విషయం తెలిసిందే. అయితే సెక్రటేరియట్ నిర్మానం కోసం ఛెస్ట్ ఆస్పత్రితో పాటు ఆ పక్కనే ఉన్న మానసిక చికిత్సాలయం, ఆయుర్వేద ఆస్పత్రితోపాటు, ఇతర వైద్య సంస్థలనూ వేరే చోటికి తరలించనున్నారు. దీనిపై మార్చి 24న జీవో వెలువడింది. కొత్త సచివాలయం కోసం ఎర్రగడ్డలోని ఛాతీ ఆస్పత్రిని వికారాబాద్‌ సమీపంలోని అనంతగిరికి తరలిస్తున్నట్లు ముఖ్యమంత్రి కేసీఆర్‌ గతంలోనే ప్రకటించారు. చెస్ట్‌ ఆస్పత్రి తరలింపుతోపాటే మానసిక చికిత్సాలయాన్ని కూడా తరలించాలని ప్రభుత్వం గతంలో భావించింది. అయితే... చెస్ట్‌ ఆస్పత్రి తరలింపుపై పెద్ద ఎత్తున వ్యతిరేకత రావడంతో తొలి జీవోలో ఇతర ఆస్పత్రులు, సంస్థల తరలింపు గురించి ప్రస్తావించలేదు. మార్చి 24వ తేదీన విడుదల చేసిన జీవోలో మిగిలిన వాటి గురించి ప్రభుత్వం పేర్కొంది. 55 ఎకరాలున్న మానసిక ఆస్పత్రి స్థలంలో ఐఏఎస్‌ క్వార్టర్స్‌ నిర్మిస్తున్నట్లు స్పష్టం చేశారు. ఇక్కడ ఐఏఎస్‌లకు ఇండిపెండెంట్‌ ఇళ్లను నిర్మించాలని భావిస్తున్నారు. ఆయుర్వేద ఆసుపత్రి, ఇన్‌స్టిట్యూట్‌ ఆఫ్‌ ఫ్యామిలీ వెల్ఫేర్‌, డ్రగ్స్‌ కంట్రోల్‌ అడ్మినిసేట్రషన్‌ స్థలాల్లో కొత్త సచివాలయాన్ని నిర్మిస్తారు. చెస్ట్‌ ఆస్పత్రిని ఆనుకునే ఉన్న అత్యాధునిక వసతులతో కూడిన క్షయ పరీక్ష కేంద్రాన్ని కూడా తరలించనున్నారు.
తెలంగాణ కొత్త సచివాలయాన్ని 72 ఎకరాల్లో నిర్మించనున్నారు. సీఎం ఆఫీసు, సీఎంవో కార్యాలయం, మంత్రుల కార్యాలయాలు, వారికి సంబంధించిన పరిపాలన విభాగాలు, విభాగాల ఉన్నతాధికారుల ఆఫీసులను నిర్మిస్తారు. సంజీవరెడ్డి నగర్‌ నుంచి అటు ఎర్రగడ్డ, ఇటు ఏజీ కాలనీ రోడ్డు వరకు సచివాలయ నిర్మాణం జరగనుంది. ఆయుర్వేద ఆస్పత్రి, ఎర్రగడ్డ మానసిక చికిత్సాలయం మధ్యలో ఏజీ కాలనీకి వెళ్లే రోడ్డు కూడా ఉంది. ఈ రోడ్డును కూడా సచివాలయం, ఐఏఎస్‌ క్వార్టర్స్‌ల్లో కలిపే అవకాశాలు ఉన్నాయి. రోడ్డును అలాగే వదిలేసినా... ఈ మార్గంలో రాకపోకలను నిషేధిస్తారని తెలుస్తోంది. కాగా, ఇన్ని కార్యాలయాలను తరలిస్తున్నప్పటికీ... వాటికి సంబంధించిన అధికారులకు, సిబ్బందికి ప్రభుత్వం ఎలాంటి సమాచారమూ ఇవ్వలేదు. మొత్తానికి ప్రభుత్వం అనుకున్న విధంగా అన్నింటిని తరలించి, అక్కడ తెలంగాణ సెక్రటేరియేట్ ను నిర్మించడానికి సన్నాహాలు అన్నీ పూర్తయ్యాయి.
- అభినవచారి
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
