మెడలో చెప్పుల దండ వేసి.. నగ్నంగా గాడిదపై ఊరేగించి..

Posted: 03/18/2015 09:47 PM IST

Youth paraded naked on donkey booked for raping minor girl in maharashtra

భారతావని ముద్దు బిడ్లలం అని గర్వంగా చెప్పుకునే మనం.. స్వతంత్ర్యం లభించి డెభై వసంతాలకు చేరువవుతున్నా ఇంకా మనల్ని కుల, మత, ప్రాంత జాడ్యాలు వీడటం లేదు. కులాంతర వివాహాలు చేసుకునేందుకు యువకులను ప్రోత్సహిస్తున్న ప్రభుత్వం పలు పథకాలను కూడా ప్రవేశపెడుతుండగా, ఇంకా కుల చాంధాసవాదుల చేతుల్లో చిక్కి యువకుడు నరకయాతన అనుభవించాడు. సభ్య సమాజాం తలదించుకునేలా కులజాడ్యం మత్తులో కూరుకుపోయిన పెద్దోళ్ల అగ్రహాన్ని చవిచూశాడు ఆ యువకుడు. అయితే ఇదే సందర్భంలో సదరు యువకుడు తనపై మళ్లీ మళ్లీ అత్యాచారం చేశాడని ఓ మైనర్ బాలిక పోలీసులకు పిర్యాదు చేసింది. మహారాష్ట్ర, అహ్మద్ నగర్ లో చోటుచేసుకున్న ఈ ఘటన పూర్తి వివరాలు ఇలా వున్నాయి.

అహ్మద్ నగర్ పరిధిలోని వాంబోరి గ్రామానికి చెందిన ఓ మైనర్ బాలికపై పదే పదే అత్యాచారం చేయడంతో పాటు తనకు లోంగకపోతే అమెతో అత్యాచార దృశ్యాలను అందరికి పోస్టు చేస్తానని బెదిరించి లోంగదీసుకున్నాడని మైనర్ బాలిక పోలీసులకు పిర్యాదు చేసింది. అయితే బాలిక పిర్యాదు మేరకు బాలికల అత్యాచార నియంత్రం చట్టం కింద కేసు నమోదు చేసుకున్న పోలీసులు దర్యాప్తును చేస్తున్నామని, బిన్గర్ క్యాంప్ పోలీసులు చెప్పారు. ఇదిలా వుండగా, రెండు రోజుల తరువాత నేరాభియోగం మోపబడిన యువకుడిని గ్రామ పెద్దలు నగ్నంగా గాడిదపైన ఊరేగించారు అది చాలదన్నట్లు మెడలో చెప్పుల దండను వేశారు. అంతటితో అగకుండా యువకుడి కుటింబికులను సైతం చితకబాదారు.

అయితే ఇతర కులస్థుడైన యువకుడు తమ కులానికి చెందిన యువతిలో ప్రేమకలాపం నడపడం గిట్టని గ్రామస్థులు ఈ దారుణానికి పాల్పడ్డారని తెలుస్తోంది. మైనర్ బాలిక, అమె కుటింబికులను కూడా బెదిరించి తప్పుడు పిర్యాదు పోలీస్ స్టేషన్ లో ఇప్పించారని సమాచారం. కాగా ఈ ఘటనపై స్పందించిన పోలీసులు యువకుడిని శిక్షించిన ఘటనకు సంబంధించి 17 మందిని అదుపులోకి తీసుకున్నారు. మరికోందరు పెద్దలు పరారీలో వున్నట్లు బిన్గర్ క్యాంప్ పోలిస్ స్టేషన్ సిఐ గర్ గాంగుర్డీ తెలిపారు.

జి. మనోహర్