సఫారీల లక్ష్యచేధనలో ఎదురీదుతున్న యూఏఈ

Posted: 03/12/2015 12:45 PM IST

ప్రపంచ క్రికెట్‌కప్‌ టోర్నమెంటులో భాగంగా పూల్ బీలో వెల్లింగ్టన్ వేదికగా దక్షిణాఫ్రికాతో జరుగుతున్న మ్యాచ్‌లో యూనైటెడ్ అరబ్ ఎమిరేట్స్ బ్యాట్స్ మెన్లు నిలకడగా ఎదురీదుతున్నారు. సఫారీలు విధించిన 342 పరుగుల భారీ లక్ష్య చేదనలో వికెట్లు పోకుండా జాగ్రత్తా అడుతున్నారు. 45 పరుగుల వద్ద వరుసగా రెండు వికెట్లను కోల్పోయిన యూఏఈ ఆచితూచి ఆడుతోంది. నిలకడగా ఆడుతున్న అంజద్ అలి (21)ని డుమిని పెవిలియన్ కు పంపగా, ధాటిగా అభిన ఖుర్రం ఖాన్ ను మార్కెల్ 12 పరుగుల వద్ద పెవిలియన్ కు పంపాడు. ప్రస్తుతం స్వప్నిల్ పాటిల్, షైమాన్ లు క్రీజ్ లో వున్నారు. 20 ఓవర్ల వద్ద మూడు వికెట్ల నష్టానికి 61 పరుగులు సాధించింది.

టాస్ గెలిచి ఫీల్డింగ్ ఎంచుకోవడంతో, బ్యాటింగ్ చేపట్టిన దక్షిణాఫ్రికా నిర్ణీత 50 ఓవర్లలో 6 వికెట్లు కోల్పోయి 341 పరుగులు చేసింది. దక్షిణాఫ్రికా బ్యాట్స్‌మెన్లలో డివిలియర్స్ అత్యధికంగా 99 పరుగులు చేయగా ఆమ్లా 12, డీకాక్ 26, రూసో 43, మిల్లర్ 49, డుమినీ 23 పరుగులు చేశారు.  కాగా బెహర్దీన్ 64, ఫిలాండర్ 10 పరుగులతో నాటౌట్‌గా నిలిచారు. యూఈఏ బౌలర్లలో మహ్మద్ నవీద్ అత్యధికంగా 3 వికెట్లను పడగొట్టగా, కామ్రాన్ షాజద్, అంజద్ జావేద్, మహ్మద్ తాకీర్ తలో వికెట్ తీశారు.

జి. మనోహర్