విశాఖ టు మలేషియా.. సేవలు ప్రారంభించిన ఏయిర్ ఏషియా

Posted: 03/10/2015 07:30 PM IST

చవక విమానయానాన్ని అందుబాటులోకి తీసుకొచ్చిన ఎయిర్ ఏషియా సంస్థ ఇప్పుడు నేరుగా విశాఖపట్నం నుంచి మలేషియాకు, అటు నుంచి ఇటు విమానాలు నడపడం ప్రారంభించనుంది. వారానికి మూడుసార్లు ఈ విమానాలు నడుస్తాయి. మొత్తం మూడు కోత్త రూట్లలో విమానాలను నడుపుతున్నట్లు ప్రకటించిన ఎయిర్ ఎసియా విమానం.. అందులో ఒకటి భారత్ లోని విశాఖపట్నం రూటుకు.. నేరుగా విమానాన్ని నడుపుతున్నట్లు ప్రకటించింది.

మే 7వ తేదీ నుంచి ఈ విమానాల రాకపోకలు ప్రారంభం కానున్నాయి. దీంతోపాటు మరో రెండు మార్గాల్లో కూడా విమానాలు నడుస్తాయి. కౌలాలంపూర్ నుంచి విశాఖపట్నానికి రూ. 4వేలకే టికెట్ అంటూ ప్రమోషనల్ ఆఫర్ను ఎయిరేషియా ప్రకటించింది. మే 7 నుంచి 2016 మార్చి 26 వరకు చేసే ప్రయాణాలకు మంగళవారం నుంచి మార్చి 22 వరకు టికెట్లు బుక్ చేసుకోవచ్చునని సంస్థ యాజమాన్య వర్గాలు తెలిపాయి.

జి. మనోహర్