రామానాయుడికి ప్రభుత్వ లాంఛనాలతో అంత్యక్రియలు..

Posted: 02/19/2015 01:06 PM IST

సినీరంగానికి ఎనలేని కృషి చేసిన ప్రముఖ నిర్మాత రామానాయుడికి ప్రభుత్వ లాంఛనాలతో అంత్యక్రియలు నిర్వహించాలని తెలంగాణ ప్రభుత్వం నిర్ణయించింది. సినీ పరిశ్రమకు హైదరాబాద్ లో తరలిరావడంలో ముఖ్య భూమిక పోషించిన మూవీ మెఘల్ కు ప్రభుత్వ లాంఛనాలతో అంత్యక్రియలు నిర్వహించనున్నట్లు ప్రభుత్వం ప్రకటించింది. మాజీ పార్లమెంటు సభ్యుడి హోదాతో పాటు సినీ పరిశ్రమకు ఆయన చేసిన విశేష కృషిని పరిగణలోకి తీసుకుని ప్రభుత్వం ఈ నిర్ణయం తీసుకున్నట్లు సమాచారం.

ఈ మేరకు తెలంగాణ ముఖ్యమంత్రి కేసీఆర్,  ప్రభుత్వ ప్రధాన కార్యదర్శి రాజీవ్ శర్మకు ఆదేశాలు జారీ చేశారు.  మధ్యాహ్నం ముడు గంటల వరకు రామానాయుడి పార్థివ దేహాన్ని ప్రజలు, అభిమానుల సందర్శనార్థం స్టూడియోలో ఉంచనున్నారు. అనంతరం  మధ్యాహ్నం మూడు గంటలకు రామానాయుడి అంత్యక్రియలు అక్కడే నిర్వహిస్తారు. మరోవైపు అధికారులు రామానాయుడు స్టూడియో వద్ద అధికారులు అంత్యక్రియల ఏర్పాటు చేస్తున్నారు.

జి మనోహర్