ITEMVIDEOS: థాయ్ లో కారును ధ్వంసం చేసిన గజరాజు

Posted: 01/17/2015 08:35 PM IST

అది గజరాజు.. ప్రతి రోజు కారులో వాహాన యానం చేస్తున్న మనుషుల్ని చూసి చూసీ గజరాజుకు కూడా కారు ప్రయాణం చేయాలని అనిపించింది కాబోలు. అంతే తన కోరికను తీర్చుకోవాలని అటవీ ప్రాంతం మీదుగా వెళ్తున్న రోడ్డుపైకి వచ్చింది. అక్కడ ఒకటి కాదు అనేక కార్టు కనబడ్డాయి. ఇకనేం రోడ్డుపైకి వచ్చి నిల్చుంది. గజరాజును చూడగానే అక్కడి వాహనాలు ఒక్కసారిగా నిలిచిపోయాయి.

చెంతలో అగిన ఒక కారు వద్దకు వెళ్లింది. దానిని ఎక్కే ప్రయత్నం చేసింది. అయితే గజరాజు కదండీ దాని సైజుకు ఏ ట్రక్కో ఎక్కితే బాగుంటుంది. ఎందుకంటే గజరాజు సైజుకు అదే కరెక్టు కాబట్టి. కానీ కారును ఎంచుకుని దానిపై ఎక్కి కూర్చోవాలన్న కొరిక తీర్చుకునేందుకు అనేక విఫల యత్నాలు చేసింది. ఎంతకీ తన కోరిక తీరకపోవడంతో..కారు ముందు బంపర్ను ధ్వంసం చేసింది. అయితే ఇదంతా జరుగుతున్నప్పుడు కారులో ప్రయాణికులు వుండటం గమనార్హం.

 జి. మనోహర్