మారణహోమాన్ని చూసి చలించిన కేంద్రమంత్రి

Posted: 12/24/2014 10:40 PM IST

బోడో ఉగ్రవాదులు.. ఆదివాసీల మధ్య ఘర్షణలతో అట్టుడుకుతున్న అసోం రాష్ట్రానికి కేంద్ర హోంమంత్రి రాజ్నాథ్ సింగ్ వెళ్లారు. మూడు జిల్లాల్లో 65 మంది ఆదివాసీలను బోడో ఉగ్రవాదులు హతమార్చన ఘటనలను చూసి ఆయన చలించిపోయారు. బోడో ఉగ్రవాదుల ఘాతుకంతో ఊగిపోతూ ప్రతిదాడులకు సిద్దమైన ఆదివాసీలు బోడోల గ్రామాలను తగలబెట్టిన ఘటనలను ఆయన పరిశీలించారు. ఉగ్రవాదుల మారణహోమంలో తమ భార్య పిల్లలను కోల్పోయిన ఆదివాసీయులు ఆందోళనలతో రగలిపోతూ హింసాత్మక ఘటనలకు పాల్పడిన ఘటనలపై ఆయన పోలీసు నుంచి సమాచారాన్ని అడిగి తెలుసుకున్నారు.

ఆందోళనకారులపై పోలీసులు కాల్పులు జరపడంతో ఐదుగురు గిరిజనులు మరణించడం లాంటి సంఘటనలు చోటుచేసుకోవడంపై ఆయన విచారం వ్యక్తం చేశారు. ఆయనతోపాటు కేంద్ర గిరిజన వ్యవహారాల మంత్రి జువాల్ ఓరమ్, హోంశాఖ సహాయమంత్రి కిరెన్ రిజిజు కూడా ఉన్నారు. అసోం ముఖ్యమంత్రి తరుణ్ గొగోయ్తోను, డీజీపీ, ఇతర భద్రతాదళాల అధిపతులతోను రాజ్నాథ్ వెంటనే సమావేశమయ్యారు. గురువారం నాడు ఆయన అల్లర్ల ప్రభావిత ప్రాంతాలకు వెళ్తారు.

జి. మనోహర్