ఆ విషయంలో మనవాళ్లు, కేరళా వాళ్లు చాలా బెటర్..

Posted: 11/22/2014 01:49 PM IST

Andhra pradesh kerala to occupy last place in watching porn sites

ఇంటర్ నెట్ లో అశ్లీల చిత్రాలను చూసే విషయంలో మన తెలుగు వారు చాల బెటర్ అంటున్నాయి సర్వేలు. ఇతర రాష్ట్రాలతో పోలిస్తే ఉమ్మడి ఆంధ్రప్రదేశ్ నెటిజన్లే కాస్త బుద్ధిమంతులని, ఆ తరువాత కేరళ రాష్ట్ర వాసులు నిలుస్తున్నారని తాజా సర్వే ఒకటి చెబుతోంది. ప్రపంచంలో అతి పెద్ద నీలి చిత్రాల వెబ్‌సైట్ ఒకటి భారతీయ వీక్షకుల నుంచి తనకు వస్తున్న రద్దీని విశ్లేషించి ఈ విషయాన్ని చెప్పింది. ఈ దారిపట్టిన వాళ్లు ప్రపంచ వ్యాప్తంగా సగటున 8.56 నిమిషాల పాటు నీలి ప్రపంచంలో మునిగి తేలుతున్నారని వెల్లడించింది.

కాగా భారతీయులు సగటున 8.22 నిమిషాలతో ప్రపంచ నీలిచిత్రాలు చూసే వారితో పోటీ పడుతున్నారు. భారత దేశవ్యాప్తంగా ఈ జాబితాలో ముందు నిలిస్తున్నాయి ఈశాన్య, ఉత్తరాది రాష్ట్రాలు. సగటున 10-12 నిమిషాలతో ఆ రాష్ట్ర యువత పెడదారిలో ముందుందని తెలిపింది. ఉమ్మడి ఆంధ్రప్రదేశ్, కేరళ మాత్రమే ఐదు నిమిషాల వ్యవధితో ఈ అప్రతిష్ఠ జాబితాలో అట్టడుగున నిలిచాయి. పేజీ వీక్షణాల ప్రకారం చూస్తే దక్షిణాది రాష్ట్రాల నెటిజన్లు చాలా బుద్ధిమంతుల కిందే లెక్క.

పాశ్చాత్య దేశాల్లో నీలి వెబ్‌సైట్లకు రద్దీ సోమవారం అమాంతం పెరుగుతుండగా, భారత నెటిజన్లలో శనివారం ఆ మూడ్ ఎక్కువగా ఉంటోంది. కుటుంబాలతో గడిపే దీపావళి, దసరా, వినాయక చతుర్థి లాంటి సంప్రదాయ పండగల రోజుల్లో భారతీయ నెటిజన్లు ఆ సైట్ల జోలికే పోవడం లేదు. ఏమీ తోచని ఆగస్టు 15, జనవరి 26 లాంటి సెలవు దినాల్లో ఈ సైట్ల రద్దీ బాగా ఎక్కువగా ఉంటోంది. నీలి చిత్రాల వీక్షణకు 50 శాతం మంది మొబైల్ ఫోన్లను, 47.5 శాతం మంది డెస్కుటాప్ పీసీలను వాడుతున్నారు. భారతీయ పోర్న్ వీక్షకులకు అత్యంత ఇష్టమైన అన్వేషణ పదం సన్నీ లియోనేనని కూడా వైబ్ సైట్ తెలిపింది.

జి.మనోహర్