సెప్టెంబర్ 11 దాడులతో అమెరికాను వణికించిన ఆల్ ఖైదా మరోసారి ఆ దేశంపై దాడికి సిద్దం అవుతోంది. గతంలో విమానాలను హైజాక్ చేసి ట్విన్ టవర్స్ కూల్చేయగా.., ఇప్పుడు అమెరికా ఆయిల్ ట్యాంకర్లను ఆల్ ఖైదా టార్గెట్ చేసింది. ఈ విషయాన్ని ఓ ఆంగ్ల మ్యాగజైన్ వెల్లడించింది. అమెరికాకు ఇంధనం సరఫరా, మార్గాలు, వినియోగం ఇతరత్రా అవసరమైన సమాచారం అంతా ఈ ఉగ్రవాద సంస్థ చేతిలో ఉన్నట్లు మ్యాగజైన్ తెలిపింది. పక్కా వ్యూహంతో దాడులు చేసేందుకు ఆల్ ఖైదా సిద్దం అవుతోందని తెలుస్తోంది.
అమెరికా సైన్యం తమపై చేస్తున్న దాడులకు సమాధానంగా అగ్రరాజ్యంపై దాడి చేయాలని ఉగ్రవాద సంస్థ భావిస్తోంది. ఇందుకు ఆయిల్ ట్యాంకర్లను ఎంచుకుంది. ట్యాంకర్లు అంటే మనం నిత్యం రోడ్లపై చూసే చిన్నపాటి ట్యాంకర్లు కాదు లెండి. వివిధ దేశాల నుంచి అమెరికాకు ఉన్న ఆయిల్ పైప్ లైన్లు, వివిధ మార్గాల ద్వారా వస్తున్న ఇందన మార్గాలను ధ్వంసం చేయటం. దీనికి కారణం ఏమిటంటే.. అమెరికాలో ఇంధన వనరులు లేవు. ఇందుకోసం ఇతర దేశాలపై ఆధారపడక తప్పదు. ప్రధానంగా ఇరాక్, సౌదీ వంటి ముస్లిం ప్రభావిత దేశాలపైనే ఆధారపడుతుంది. కాబట్టి వీటిని ద్వంసం చేస్తే.., అమెరికాలో ఇంధన సంక్షోభం ఏర్పడి దేశ ఆర్ధిక వ్యవస్థపై తీవ్ర ప్రభావం చూపుతుంది. అంతేకాకుండా మిలటరీకి కూడా తమపై దాడులు చేసేందుకు ఇంధనం ఉండదు అని ఆల్ ఖైదా ప్లాన్.
ఈ ప్లాన్ వినటానికి చాలా సింపుల్ గా ఉన్నా.. అమలు చేయటం మాత్రం చాలా కష్టం. ఎందుకంటే అమెరికాకు వచ్చే పైపులైన్లు, సూపర్ ట్యాంకర్ల మార్గంలో పటిష్ట భద్రత ఉంటుంది. దీన్ని దాటుకుని ఆల్ ఖైదా వచ్చి దాడులు చేయటం అంటే అది అసాధ్యం అని చెప్పాలి. అందుకే ఇతర ఉగ్రవాద సంస్థల సాయం తీసుకుంటోంది. ఇరాక్, సిరియాలో ప్రస్తుతం పెత్తనం చెలాయిస్తున్న ఇస్లామిక్ స్టేట్ (ఐ.ఎస్.ఐ.ఎస్) ఉగ్రవాద సంస్థ అగ్రరాజ్యానికి వ్యతిరేకి. ఇదే సమయంలో ఈ సంస్థ ఆధీనంలో పలు చోట్ల పెట్రోల్ బావులు ఉన్నాయి. ఇలా ఇతర ఉగ్రవాద సంస్థల సాయంతో అమెరికా ఇంధన వ్యవస్థను చిన్నాభిన్నం చేసేందుకు ఆల్ ఖైదా సిద్దం అవుతోందని మ్యాగజైన్ కథనం.
లాడెన్ మరణం తర్వాత ఈ ఉగ్రవాద సంస్థ కార్యకలాపాలు తగ్గాయి అని అంతా భావించారు. కానీ చాపకింద నీరులా నెట్ వర్క్ విస్తరణ, ఆయుధాల సేకరణ, దాడులకు కొత్త పధక రచనల్లో సంస్థ ప్రస్తుతం బిజీగా ఉన్నట్లు తెలుస్తోంది.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more