నేను భారతీయుణ్ణి'-కొమరం భీమ్ టీ షర్టు-గద్దర్ పై దాడి

Posted: 03/14/2014 11:46 PM IST

గతంలో ఓ సారి నెల్లూరులో గద్దర్ 'బండెనక బండికట్టి...' అని పాడితే తాను ఆనందంతో గంతులేశానని పవన్ కల్యాణ్ తెలిపారు. గద్దర్ పై దాడి జరిగినప్పుడు ఆయనను ఆదుకుంది, ఆశ్రయం కల్పించింది సీమాంధ్రులేనని పేర్కొన్నారు. ఇక, ప్రొఫెసర్ కంచె ఐలయ్య భావజాలాన్ని కూడా పవన్ ఈ సందర్భంగా ఉటంకించారు. ఐలయ్య అన్నట్టుగా దేశ రాజకీయ నేతల్లో పేరుకుపోయింది ఫ్యూడలిస్టిక్ దురహంకారమని అన్నారు.

నేను భారతీయుణ్ణి'

 వేలమంది అభిమానాన్ని తాకట్టుపెట్టి పైకెదగాలని తాను కోరుకోవడంలేదని పవన్ కల్యాణ్ ఉద్ఘాటించారు. తనకు కులం లేదని, మతం లేదని, ప్రాంతం లేదని, తాను భారతీయుణ్ణి అని స్పష్టం చేశారు. తనను ఆంధ్రుడు అంటే బాధ కలుగుతుందని చెప్పారు.

 కొమరం భీమ్ టీ షర్టు:  

ఎక్కడో దక్షిణ అమెరికాలో జన్మించిన విప్లవ వీరుడు చే గువేరా చిత్రం ఉన్న టీ షర్టును ధరించగలనని , కానీ, తెలంగాణలో పుట్టిన కొమరం భీమ్ చిత్రం ఉన్న టీ షర్టు ధరించలేని దుస్థితి దాపురించిందని ఆవేదన వ్యక్తం చేశారు పవన్ కల్యాణ్. కొమురం భీమ్ వంటి వీరుడికి ప్రాంతీయతత్వం ఆపాదించడం దారుణమని ఆయన అభిప్రాయపడ్డారు.

-ఆర్ఎస్