https://mail.teluguwishesh.com/
జర్మనీ వెళ్ళి వచ్చిన ఒక మిత్రుడి అనుభవం యథాతథంగా-
హైద్రాబాద్ లో అమీర్ పేట నుండి మోతీ నగర్ కి స్కూటర్ మీద వెళ్తున్నాడతను. అతని దగ్గర డ్రైవింగ్ లైసెన్స్ కానీ స్కూటర్ కాగితాలు కానీ లేవు. మధ్యలో చెయ్యూపి ఆపాడో పోలీస్. భయపడుతూ ఆపాడతను కానీ ఆ పోలీస్ బండిని ఆపింది లిఫ్ట్ కోసం. ఎటు పోతున్నవ్ అని అడిగాడా పోలీస్. మోతి నగర్ అని సమాధానమిచ్చాడితను. చెక్ పోస్ట్ నుంచి పోతవా అని అడిగినదానికి ఆవునన్నాడతను. సరే పద అని వెనక సీటు మీద ఎక్కికూర్చున్నాడు పోలీస్.
మనవాడికి కాస్త ధైర్యమొచ్చింది. కానీ మధ్యలో చెకింగ్ జరుగుతోంది. ఏం చెయ్యాలి ఆపాలా అని అడిగితే, ఏం లైసెన్స్ లేదా అని అడిగాడు పోలీస్. లేదన్నాడతను. ఫరవలేదులే పోనీ నేనున్నాగా అని భరోసా ఇచ్చాడతను. ఇతన్ని చూసి అక్కడి చెకింగ్ చేస్తున్నవాళ్ళు సెల్యూట్ చేసారు. స్కూటర్ నిర్విఘ్నంగా ముందుకు సాగింది. చెక్ పోస్ట్ వచ్చింది. దిగాడు పోలీస్. మోతీ నగర్ వెళ్ళాలి మధ్యలో ఎవరైనా పట్టుకుంటారేమో అంటూ నసిగాడు స్కూటర్ నడుపుతున్నతను.
ఏం పరవలే నా పేరు చెప్పు ఇదిగో చూడు నా పేరు జెపి నారాయణ అంటూ తన యూనిఫాం మీదున్న బిళ్ళను చూపించాడతను.
సీన్ కట్ చేస్తే,
ఇదే మనిషి జర్మనీలో ఉద్యోగానికి పోయాడు. పాస్ పోర్ట్ వీసాలను ఇంట్లో వదిలిపెట్టి బయటకు పోగా పోలీసులు తనిఖీలో లేవని, ఇంట్లో వదిలిపెట్టి వచ్చానని చెప్తూ, తన ఇంటి అడ్రస్ చెప్పాడతను తడుముకోకుండా. కానీ అతన్ని పోలీస్ స్టేషన్లో కూర్చోబెట్టి పోలీసులే ఆ ఇంటి అడ్రస్ లో విచారణ చేసి అతను చెప్పింది నిజమేనని తెలుసుకుని అతని పాస్ పోర్ట్ వీసాలను తెప్పించి పరిశీలించి అతని చేతికిచ్చారు. బ్రతుకు జీవుడా అని బయటకు పోతుంటే, ఆగమంటూ వాళ్ళు తమ వాహనంలో లిఫ్ట్ ఇవ్వటానికి తయారయ్యారు.
మా వలన మీరు మూడు గంటలు పోలీస్ స్టేషన్లో గడిపారు. కాబట్టి ఇది విధి మిమ్మల్ని మీ ఇంటికి చేరుస్తాం అని తీసుకెళ్ళారు. దారిలో ట్రాఫిక్ సిగ్నల్ వచ్చింది. రెడ్ లైట్ దగ్గర ఆగాడతను. కానీ అటూ ఇటూ వాహనాలేమీ రావటం లేదు. అయినా పూర్తిగా పచ్చరంగులోకి మారిన తర్వాతనే పోలీసు వాహనాన్ని ముందుకు తీసుకెళ్ళారు.
మనవాడికి ఆశ్చర్యమేసింది. అటూ ఇటూ వాహనాలేమి లేవు కదా పైగా మీద పోలీస్ వాహనం కదా, మా దేశంలోనైతే ఇంతసేపు ఆగం అన్నాడతను ఆ పోలీస్ అధికారితో.
అతను నవ్వి, మేము కూడా మామూలుగా అయితే అటూ ఇటూ ఖాళీగా ఉన్నప్పుడు ఆగం కానీ ఇదిగో మీరున్నారని ఆగాం. మీరు మీ దేశం వెళ్ళిన తర్వాత మా గురించి చెడుగా చెప్పగూడదుగా అందుకే అన్నాడు. నివాసం దగ్గర వదిలిపెట్టిన తర్వాత బై చెప్పి వెళ్ళిపోయాడతను.
సరే ఇక చాయ్ కి డబ్బులు అడగలేదని కూడా చెప్పటం వాళ్ళని దిగజార్చినట్లే అవుతుంది.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
