ఇపిఎస్ 95 కింద కనీస పెన్షన్ రూ.1000 కి పెంపు

Posted: 02/28/2014 02:20 PM IST

ఈరోజు ఢిల్లీలో ప్రధానమంత్రి నివాసంలో జరిగిన క్యాబినెట్ సమావేశంలో రాష్ట్రంలో రాష్ట్రపతి పాలనతో పాటు తీసుకున్న మరో నిర్ణయం ప్రావిడెంట్ ఫండ్ సంస్థ ఎంప్లాయీస్ పెన్షన్ స్కీమ్ (ఇపిఎస్)- 95 కింద పెన్షన్ కి అర్ఙులకు కనీస పెన్షన్ ని నెలకి రూ.1000 కి పెంచటం.  

ఈ నిర్ణయం వలన మొత్తం 44 లక్షల మంది పెన్షనర్లలో 28 లక్షలమంది ఉద్యోగులు లబ్ధిపొందుతారు.  అందులో ఐదు లక్షల మంది వితంతువులు కూడా ఉన్నారు.  

2014-15ఆర్థిక సంవత్సరం నుంచి ప్రారంభమయ్యే ఈ నియమం వలన కేంద్ర ప్రభుత్వానికి అదనంగా 1217 కోట్ల రూపాయలను కేటాయించవలసివస్తుంది.  

ఏప్రిల్ 1, 2014 నుండి ప్రారంభమయ్యే పెన్షన్ లోని ఈ మార్పు వలన కలుగబోయే నిధుల కేటాయింపులు, వినియోగాలలోని మార్పులను పరిశీలించిన ఆర్ధిక శాఖ దీనికి ముందుగానే దీనికి ఆమోదం తెలియజేసింది.

-శ్రీజ