రాష్ట్రంలో రాజీనామాల పర్వం

Posted: 02/18/2014 02:26 PM IST

ఢిల్లీలో జరుగుతున్న పరిణామాల దృష్ట్యా మంత్రి గంటా శ్రీనివాసరావు మంత్రి పదవికే కాకుండా కాంగ్రెస్ పార్టీ సభ్యత్వానికి కూడా రాజీనామా చేసారు.

ముఖ్యమంత్రి కిరణ్ కుమార్ రెడ్డి గవర్నర్ తో భేటీకి 3.00 గంటలకు సమయాన్ని తీసుకున్నారు.  ఆ సమయంలో ఆయన తన రాజీనామా పత్రాన్ని గవర్నర్ కి అందించబోతున్నారని వార్తలు వచ్చాయి.  ముఖ్యమంత్రి పదవికే కాకుండా పార్టీ నుండి కూడా ఆయన తప్పుకోబోతున్నారని వినిపిస్తోంది.  అయితే కిరణ్ కుమార్ రెడ్డి మీడియా సమావేశంలో మాట్లాడిన తర్వాతనే రాజీనామా పత్రాన్ని అందజేస్తారని తాజాగా వినిపిస్తోంది. 

సాయంత్రం లోపులో మరికొన్ని రాజీనామాలు రాబోతున్నాయని సమాచారం.  కిరణ్ కుమార్ రెడ్డి తనతోపాటుగా కలిసివచ్చే శాసన సభ్యుల మంత్రుల రాజీనామాలతో ఒక్కసారే వెళ్దామని అనుకుంటున్నారు.

-శ్రీజ