విజయమ్మ ఇతర వైకాపా శాసనసభ్యుల అరెస్ట్

Posted: 01/09/2014 05:46 PM IST

ఈరోజు శాసనసభలోను, మండలిలోను సభను అడ్డుకుంటున్నారన్న ఆరోపణతో 15 మంది వైకాపా శాసన సభ్యులను 5 గురు శాసనమండలి సభ్యులను ఒకరోజు కోసం సస్పెండ్ చెయ్యటం జరిగింది. 

ఆ తర్వాత అసెంబ్లీ దగ్గర ఆందోళన చేస్తుండటంతో వైకపా తాత్కాలిక అధ్యక్షురాలు విజయమ్మతో సహా ఎమ్మల్యేలను పోలీసులు అరెస్ట్ చేసారు.  వాళ్ళందరినీ గోషామహల్ పోలీస్ స్టేషన్ కి తరలించారు. 

శాసనసభలో తెలంగాణా బిల్లు మీద ప్రతి అంశం మీదా చర్చ జరుగుతున్నప్పుడు ఓటింగ్ కి అవకాశం లేకుండా వాళ్ళని అరెస్ట్ చెయ్యటం సరికాదని తెలుగుదేశం పార్టీ నాయకులు సభాపతి కి తెలియజేసారు. 

అయితే, సస్పెన్షన్ కీ అరెస్ట్ కీ ఎటువంటి సంబంధం లేదని రాష్ట్ర ఆర్ధిక మంత్రి ఆనం రామనారాయణ అన్నారు.  సస్పెన్షన్ కి గురైన ఎమ్మెల్యేలు ట్రాఫిక్ కి అంతరాయం కలిగించటంతో పోలీసులు వాళ్ళని అరెస్ట్ చేసారని ఆయన అన్నారు. 

-శ్రీజ