రాజధాని ఎక్స్ ప్రెస్ లో మంటలు

Posted: 10/15/2013 12:46 PM IST

అసోంలోని మోరిగాం జిల్లా దరంతుల్ రైల్వేస్టేషన్ సమీపంలో ఈరోజు తెల్లవారుజామున నాలుగు గంటల సమయంలో రాజధాని ఎక్స్‌ప్రెస్‌లో ఈరోజు అనూహ్యరీతిలో మంటలు చెలరేగాయి. రైలు గౌహతీ మీదుగా దిబ్రుగఢ్ నుంచి న్యూఢిల్లీకి వెళ్తుండగా ఈ ప్రమాదం జరిగింది. ఫైర్ ఇంజిన్లు సంఘనాస్థలానికి చేరుకుని, మంటలను ఆర్పివేశారు. ఒక్కసారిగా మంటలు రాజుకోవడంతో ప్రయాణికులు భయంతో వణికిపోయారు. అయితే వెంటనే స్పందించిన రైల్వే అధికారులు ప్యాంట్రీ కారు బోగిని రైలు నుంచి వేరు చేశారు. దీంతో పెద్ద ప్రమాదం తప్పింది. ఈ అగ్ని ప్రమాదంలో ప్రాణం జరగలేదని రైల్వే అధికారులు అంటున్నారు. కానీ ప్యాంట్రీ కారు కాబట్టి కేవలం ఆస్తి నష్టం జరిగి ఉంటుందని అంచనా. ప్రమాదానికి దారి తీసిన కారణాలపై అధికారులు విచారణ చేపట్టారు.