నాటకాల రాయుడుతో డిగ్గీరాజా ఫైట్

Posted: 09/14/2013 02:54 PM IST

బిజేపీ పార్టీలో పండగ వాతావరణం నెలకొంది. పార్టీలోని నాయకులు ఆనందంగా ఉన్నారు. అయితే అద్వానీ మాత్రం అంతరమథనంలో మునిగిపోయినట్లు ఆపార్టీ నాయకులు చెబుతున్నారు. నరేంద్ర మోడీ ప్రధాని అభ్యర్థిగా ఆ పార్టీ ప్రకటంతో కాంగ్రెస్ పార్టీలో కలవరం మొదలైంది. కాంగ్రెస్ పార్టీలోని సీనియర్ నాయకులు విమర్శలదాడికి దిగారు. బీజేపీ ప్రధాని అభ్యర్థి నరేంద్ర మోడీపై కాంగ్రెస్‌ పార్టీ ప్రధాన కార్యదర్శి దిగ్విజయ్ సింగ్ విమర్శల బాణం ఎక్కుపెట్టారు. మోడీ నాటకాల రాయుడని దిగ్విజయ్‌ సింగ్‌ ఎద్దేవా చేశారు. ఎవరు సహకరిస్తే వారిని ముంచే తత్వం మోడీదని ఆరోపించారు. తనకు సహకరించిన కేశూభాయ్‌ పటేల్‌, శంకర్‌ సింఘ్‌ వాఘేలా, అద్వానీలను మోడీ ముంచారని డిగ్గీరాజా గుర్తు చేశారు. మోడీ ప్రధాని అభ్యర్ధిత్వంపై ఎన్‌డిఏలో కానీ, బిజెపిలో కానీ ఏకాభిప్రాయం లేదన్నారు.