జగన్ దీక్షపై సిబిఐ కోర్టులో-తీహార్ జైలుకు మార్చండి?

Posted: 08/28/2013 01:52 PM IST

వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి సమైక్యాంద్రకు మద్దతుగా చంచల్ గూడ జైల్లో ఆమరణ నిరాహర దీక్ష చేస్తున్న విషయం తెలిసిందే. వైఎస్ జగన్ దీక్ష నాలుగో రోజుకు చేరుకుంది. అయితే ఆయన మంచినీళ్లుమాత్రం తీసుకుంటూ.. ఆమరణ నిరహార దీక్ష చేస్తున్నట్లు జైలు అధికారులు చెబుతున్నారు. జగన్ చేస్తున్న దీక్ష విషయాన్ని చంచల్ గూడ జైలు అధికారలు సీబిఐ కోర్టుకు తెలిపారు. జగన్ దీక్ష పై తగు చర్యలు తీసుకోవాలని జైలు అధికారులు కోర్టును కోరినట్లు సమాచారం.

 

తీహార్ జైలుకు

జగన్ ను తీహార్ జైలుకు తరలించాలని, అప్పుడే సీమాంద్ర ఉద్యమం ఆగిపోతుందని తెలుగుదేశం పార్టీ ఎమ్మెల్యే ఎర్రబెల్లి దయాకరరావు వరంగల్ లో అన్నారు. జగన్ దీక్ష పై కాంగ్రెస్ పార్టీ ఆరా తీయడం ఆ పార్టీ ద్వంద్వ వైఖరికి నిదర్శనమన్నారు. హైదరాబాద్ తో కూడిన తెలంగాణకే తెదేపా కట్టుబడి ఉందని ఆయన తెలిపారు.