కాంగ్రెస్ కి వ్యతిరేకంగా విజయమ్మ దీక్ష

Posted: 08/14/2013 09:22 PM IST

వైయస్సార్ కాంగ్రెస్ పార్టీ గౌరవ అధ్యక్షురాలు వైయస్ విజయమ్మ గతంలో పలు దీక్షలు చేసిన విషయం తెలిసిందే. మరో దీక్షకు సిద్దం అవుతున్నారు. ఈ సారి ఆమె ఆమరణ నిరహార దీక్షకు దిగబోతున్నారు. తెలంగాణ ప్రకటన నేపథ్యంలో సీమాంద్రలో ఇప్పటికే పలు పార్టీలు ఉద్యమంలో ఉండి సకలాన్ని స్తంబింప చేశారు. ఆ పార్టీలన్నింటికి ధీటుగా వైయస్సార్ కాంగ్రెస్ పార్టీ దీక్షకు దిగుతున్నారు. ఇప్పటికే సీమాంధ్రలో ఉద్యమం ఉవ్వెత్తున ఎగిసిపడుంది. దీనిని మరింతగా ఆజ్యం పోసేందుకు ఆమెకు దీక్షకు దిగుతున్నారు. సమన్యాయం చేయలేనప్పుడు రాష్ట్రాన్ని యధాతధంగా ఉంచాలనే డిమాండ్ తో ఈ దీక్షలో కూర్చోబోతున్నారు. ఈ దీక్ష ఈనెల 19వ తేదీ నుండి ప్రారంభం కాబోతున్నట్లు ఆ పార్టీ రాజకీయ వ్యవహారాల కమిటీ సభ్యుడు డాక్టర్ ఎమ్.వి.మైసూరారెడ్డి వెల్లడించారు. విభజనకు ప్రాతిపదిక, హేతుబద్దత ఉండాలని అవి రెండు కాంగ్రెస్ పార్టీలో కొరవడ్డాయని అన్నారు. ఈ దీక్షకు సభా స్థలిని విజయ వాడను ఎన్నుకున్నారు.