ముక్కు, చెవులూ కోస్తాం: ఎంపీ హెచ్చరిక

Posted: 07/29/2013 07:45 AM IST

డీసీసీ కార్యాలయంలో జరిగిన విలేకరుల సమావేశంలో ఎంపీ పొన్నం ప్రభాకర్‌ మండిపడ్డారు. కాంగ్రెస్‌ పార్టీ అధినేత్రి సోనియా గాంధీని శూర్పణఖ అంటూ బైరెడ్డి రాజశేఖరరెడ్డి చిందులు తొక్కడంపై తెలంగాణ కాంగ్రెస్‌ నేత, ఎంపీ పొన్నం ప్రభాకర్‌ సీరియస్ అయ్యారు. బైరెడ్డి వ్యాఖ్యలపై టీజీ వెంకటేష్‌, శైలజానాథ్‌లు స్పందించాలని, లేదంటే ఆయనకు మేమే ముక్కు, చెవులు కోస్తామని పొన్నం హెచ్చరించారు. ''తెలంగాణ నేతలెవరు కూడా ఇతర జిల్లాలను కలపాలని కోరలేదు. కేవలం ఎంఐఎంతోపాటు సీమ నేతలే ప్రకటించుకున్నారు. తెలంగాణ ప్రాంతం వారిపై సంబంధం లేని విషయాలను రుద్దుతూ రాద్ధాంతం చేయడం సరైందికాదు'' అని అన్నారు.