వృద్ధుల ఆస్పత్రిలో భారీ అగ్నిప్రమాదం

Posted: 07/26/2013 03:10 PM IST

ఈశాన్య చైనాలోని హైలాంగ్ జియాంగ్ రాష్ట్రంలో వృద్ధుల కోసం ప్రత్యేకంగా ఏర్పాటుచేసిన ఆస్పత్రిలో అర్ధరాత్రి ప్రాంతంలో ఈ అగ్నిప్రమాదం సంభవించింది. ఈ అగ్నిప్రమాదం సంభవించి పదిమంది వృద్ధులు మరణించారు. హైలూన్ నగరంలోని లియన్ హే సీనియర్ నర్సింగ్ హోం ఇన్ పేషెంట్ వార్డులో జరిగిన ఈ ప్రమాదానికి కారణమేంటో తెలియరాలేదు. ప్రమాదం జరిగే సమయానికి ఇన్ పేషెంట్ బ్లాకులో 32 మంది వృద్ధులున్నారు. గ్రామీణ ప్రాంతాల నుంచి వచ్చి ఎలాంటి సంపాదన లేని వృద్ధుల కోసం ఈ ఆస్పత్రి ఏర్పాటుచేశారు. మరణించిన వారి సంఖ్య ఇక పెరిగే అవకాశం ఉందని అధికారులు చెబుతున్నారు.