డెడ్‌లైన్లు పెడితే టాప్ లేచిపోద్ది? సిఎం?

Posted: 05/31/2013 09:34 AM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి సినిమా డైలాగులు చెబుతున్నారు. ఆయనలోని ఆవేశాన్నిఅందరకు చూపిస్తున్నారు. ఇటీవల కాలంలో కిరణ్ కుమార్ రెడ్డి దూకుడు పెంచిన విషయం తెలిసిందే. అయితే అధి అధిష్టానం ఇచ్చిన సపోర్టుతోనే అని కాంగ్రెస్ నాయకులు అంటున్నారు. సమస్యలను రాజకీయంగా పరిష్కారించే స్థాయికి ముఖ్యమంత్రి కిరణ్ కుమార్ రెడ్డి ఎదిగిపోయారు. రీసెంట్ గా తెలంగాణ కాంగ్రెస్ ఎంపీలు పెట్టిన డెడ్ లైన్ పై ముఖ్యమంత్రి ఢిల్లీలో మాట్లాడారు. అంటే హైదరాబాద్ లో సమయం దొరకలేదు. ఇలా డెడ్ లైన్లు పెడితే.. వారికే టాప్ లేచిపోద్ది కానీ, కాంగ్రెస్ పార్టీ ఏం కాదని, కొంచెం ఓపిక పట్టాలని ముఖ్యమంత్రి సూచించారు.

ఇలాంటి జటిలమైన సమస్యలకు ఒకటి, రెండు రోజుల డెడ్‌లైన్లతో పరిష్కారాలు లభించవని.. కాంగ్రెస్ పార్టీ ఇలాంటి డెడ్‌లైన్లకు తలొగ్గబోదని ఢిల్లీలో అన్నారు. కాంగ్రెస్ ప్రజాస్వామ్య పార్టీ అని.. నాయకులు సొంత నిర్ణయం తీసుకునే హక్కు వారికుంటుందని, పార్టీని వీడాలని వారు నిర్ణయం తీసుకొని ప్రకటించినందున దానిపై తాను ఎలాంటి వ్యాఖ్య చేయటం సమంజసం కాదన్నారు. ‘‘తెలంగాణ డిమాండ్ కొత్తదేమీ కాదు. ఇది అత్యంత సున్నితమైన, జటిలమైన సమస్య. దీనికి సామరస్యపూర్వక పరిష్కారాన్ని కనుగొనేందుకు కాంగ్రెస్ అధిష్టానం తీవ్రంగా ప్రయత్నిస్తోంది. రాష్ట్ర ప్రజలందరికీ, అలాగే, దేశమంతటికీ ఆమోదయోగ్యమైన పరిష్కారాన్ని కనుగొనాల్సి ఉన్నందున కేంద్రం ఒక నిర్ణయం తీసుకొనేంతవరకూ మరో ప్రాంతానికి (తెలంగాణ) చెందిన నాయకులంతా ఓపికతో ఉండాలని కోరుతున్నా’’ అని చెప్పారు