కోదండరాం ఉగ్రవాది

Posted: 05/28/2013 06:35 PM IST

నెల్లూరు ఆనం బ్రదర్స్ రాజకీయల్లో రెచ్చిపోతున్నారు. అన్న వైఎస్ జగన్ పై విరుచుకుపడితే.. తమ్ముడు ప్రొఫెసర్ కోదండరాం పై మండిపాడుతున్నారు. ఆనం వివేకానంద రెడ్డి స్పెషల్ గా కనిపించే ఆయన ఈ సారి ఏకంగా ప్రత్యేక తెలంగాణ కోరుకుంటున్నా జేఏసీ చైర్మన్ ప్రొఫెసర్ కోదండరాం పై విరుచుకుపడ్డారు. తెలంగాణ రాజకీయ జేఏసీ చైర్మన్ ప్రొఫెసర్ కోదండరాంను నెల్లూరు రూరల్ ఎమ్మెల్యే ఆనం వివేకానందరెడ్డి ఉగ్రవాదితో పోల్చారు. నెల్లూరులో ఆయన మాట్లాడుతూ.. దేశంలో నక్సలైట్లు ఎక్కడున్నారో కోదండరాంకు తెలుసని చెప్పారు. రాష్ట్రాన్ని ముక్కలుగా విభజించి నక్సలైట్లతో పాలించాలని చూస్తున్నారని ఆరోపించారు. కోదండరాంను ఉద్యోగం నుంచి తొలగించి వెంటనే అరెస్టు చేయాలని డిమాండ్ చేశారు. ఈ నెల్లూరు హలో బ్రదర్స్ మీడియా మైకులతో రెచ్చిపోతున్నారు. అయితే వీరి కామెంట్స్ వెనుక ఉన్న అర్థం ఏమిటో ఎవరికి తెలియటం లేదని కాంగ్రెస్ నాయకులు అంటున్నారు.