అహంకారం...? మూర్ఖత్వం ఉన్నాయా?

Posted: 05/22/2013 07:05 PM IST

రాష్ట్ర ముఖ్యమంత్రి కిరణ్ కుమార్ రెడ్డి లో అహంకారం, మూర్ఖత్వం ఉన్నట్లు ఉప ముఖ్యమంత్రి దామోదర రాజనరసింహా సభ వేదిక మీద ఇన్ డైరెక్టర్ గా చెప్పి అక్కడి నుంచి వెళ్లిపోయారు. అయితే వెంటనే సీఎం కిరణ్ కుమార్ రెడ్డి కష్టపడి పనిచేస్తే పదవులు వస్తాయాని చెప్పినట్లు సమాచారం. ఈ ఇద్దరి మద్య జరిగిన మాటల యుద్దం ఈ రోజు బొత్స ఆద్వర్యంలో జరిగినట్లు తెలుస్తోంది. కాంగ్రెస్ విస్తృతస్థాయి సమావేశంలో ముఖ్యమంత్రి కిరణ్ కుమార్ రెడ్డి ప్రసంగిస్తుండగా ఉప ముఖ్యమంత్రి దామోదర రాజనరసింహ వేదిక దిగి వెళ్లిపోయారు.

కోట్ల విజయ భాస్కరరెడ్డి స్టేడియంలో కాంగ్రెస్ విస్తృతస్థాయి సమావేశం జరుగుతున్న విషయం తెలిసిందే. ఉప ముఖ్యమంత్రి వ్యవహరించిన తీరునుబట్టి వారి మధ్య విభేదాలు ఉన్నట్లు స్పష్టమవుతోంది. అంతకు ముందు ఆయన మాట్లాడే సమయంలో కూడా సిఎంను పరోక్షంగా తప్పుపట్టారు. నేను అని ముందుకు వెళితే అది అహంకారం, మూర్ఖత్వం అని, మనం అని ముందుకు వెళితే మంచి ఫలితాలు వస్తాయని చెప్పారు.

వచ్చే ఎన్నికల్లో ఐక్యంగా పనిచేస్తేనే కాంగ్రెస్ గెలుస్తుందని స్పష్టం చేశారు. ముఖ్యమంత్రి కిరణ్ కుమార్ రెడ్డి చాలా కాలం నుంచి ఉప ముఖ్యమంత్రి దామోదర రాజనరసింహను దూరం ఉంచుతున్నట్లు ప్రచారం జరుగుతోంది. సిఎం అందరినీ కలుపుకొని పోవడంలేదని సొంత పార్టీ నేతలే విమర్శిస్తున్నారు.