నేను సీం రేసులో వున్నా... రామయ్య

Posted: 05/08/2013 09:27 PM IST

కర్ణాటకలో జరిగిన విధానసభ ఎన్నికల్లో కాంగ్రెస్ విజయకేతనం ఎగురవేసిన విషయం తెలిసిందే. యువనేత సారధ్యంలో తొలిసారిగా దక్షిణాదిన పూర్తి స్థాయిలో మెజారిటీ రావడంతో కాంగ్రెస్ శ్రేణుల్లో ఆనందానికి అవధులు లేకుండా పోయాయి. ఇంత వరకు బాగానే ఉన్నా ఇప్పుడు అక్కడ ముఖ్యమంత్రి అభ్యర్థి ఎవరనే విషయం పై సస్పెన్స్ కొనసాగుతుంది. అధినేత్రి సోనియా మాత్రం అక్కడి ఎమ్మెల్యేలే ముఖ్యమంత్రిని నిర్ణయిస్తారని అంటే.... అక్కడ మాత్రం మాజీ ముఖ్యమంత్రి, కాంగ్రెస్ సీనియర్ నేత సిద్ద రామయ్య నేను ముఖ్యమంత్రి రేసులో ఉన్నానని అన్నారు. ఆయన వరుణ నియోజక వర్గం నుండి గెలుపొందడటంతో కార్యకర్తలు భారీ ఎత్తున బాణసంచా కాల్చి సంబరాలు చేసుకున్నారు. ఈ విషయం పై ఆయన మీడియాతో మాట్లాడుతూ.... ముఖ్యమంత్రి ఎవరనేది అధిష్టానం నిర్ణయిస్తుందని, సీఎం ఎంపికకు వారం రోజులకు పైగా పట్టవచ్చని ఆయన తెలిపారు. రాష్ట్ర ప్రజలు మార్పు కోరుకుంటున్నారని, బీజేపీ తప్పిదాలతో ప్రజలు విసిగిపోయారని సిద్దరామయ్య అన్నారు. తాను ముఖ్యమంత్రి రేసులో ఉన్నానని సిద్దరామయ్య మరోసారి స్పష్టం చేశారు. మరి ముఖ్యమంత్రి పీఠం ఈయన్ను వరిస్తుందో లేదో చూడాలి.