Posted: 03/08/2013 09:45 AM IST

ఈరోజు శ్రీకాకుళం జిల్లా అరసవల్లి సూర్యనారాయణ స్వామి దేవాలయం భక్తులతో కిటకిటలాడుతోంది.  ఈ రోజు సంభవించే అరుదైన దృశ్యం సూర్యభగవానుని కిరణాలు సూర్యదేవుని పాదాలను తాకటం.  ఆ దృశ్యం ఏడు నిమిషాలపాటు నిలిచి ఉండి భక్తులను ఆనంద పరవశులను చేసింది.  

పద్మాలను ధరించి, ఏడు గుర్రాల రథం మీద పద్మ ఉష, ఛాయల సమేతంగా కొలువుతీరిన సూర్యభగవానుని మీద సంవత్సరానికి రెండు సార్లు ఆ విధంగా సూర్యకిరణాలు పడేటట్టుగా నిర్మించి ఆ దేవాలయంలో ఆ సమయంలో స్వామి దర్శనం కోసం భక్తులు ఉత్సాహం చూపిస్తారు.  రథాన్ని నడిపే అరుణ, రథం కింది భాగంలో ద్వారపాలకులు పింగళ, దండలు, సనక సనంద మహర్షులు ఆలయంలో దర్శనమిస్తారు.

-శ్రీజ