Posted: 02/08/2013 04:45 PM IST

శ్రీలంక అధ్యక్షుడు రాజపక్సే ప్రముఖ పుణ్యక్షేత్రమైన తిరుమల శ్రీవారిని దర్శించుకోవడానికి నేడు తిరుపతికి రానున్న నేపథ్యంలో తమిళనాడుకు చెందిన పలువురు ఆందోళనకారులు ఆయనకు వ్యతిరేకంగా తిరుపతిలో నిరసనలకు దిగారు. దీంతో అక్కడ పరిస్థితి ఉద్రిక్తంగా మారింది. ఈయన రాకను పురస్కరించుకొని నిరసన పోస్టర్లు కూడా వెలిశాయి. దీంతో తిరుపతిలో భారీ బందోబస్తును ఏర్పాటు చేశారు. తమిళనాడు వైపు నుంచి వస్తున్న ఆందోళనకారులను ఎక్కడికక్కడ పోలీసులు అడ్డుకుంటున్నారు.అదే సమయంలో విమానాశ్రయంతో సహా పలు చోట్ల నిషేధాజ్ఞలు విధించారు. తమిళులను ఊచకోత కోసిన రాజపక్సే శ్రీవారిని దర్శించుకొని అపత్రం చేయవద్దని వారు డిమాండ్ చేస్తున్నారు.