Posted: 02/01/2013 12:18 PM IST

మాజీ మంత్రి  శంకర్ రావు  నిన్న సాయంత్రం  పోలీసలు  అతని ఇంట్లో అరెస్ట్ చేసిన విషయం తెలిసిందే. అయితే  శంకర్ రావు అరెస్ట్ పై కొన్ని దళిత సంఘాలు  మండిపడుతున్నాయి. కొంతమంది రాజకీయ నాయకులు కూడా తీవ్రంగా ఖండిస్తున్నారు.  ఆరు సార్లు ఎమ్మెల్యేగా గెలిచిన, రెండు సార్లు మంత్రి చేసిన  శంకర్ రావు  పోలీస్  అరెస్ట్ చేసిన తీరుపై విమర్శలు వినిపిస్తున్నాయి.  ఈ నేపధ్యంలో  మంత్రి  దానం నాగేందర్  మాట్లాడుతూ  మాజీ మంత్రి  శంకర్ రావు పై పోలీసులు ప్రవర్తించిన తీరు బాధాకరమని ఆయన అన్నారు.  ఓ ప్రజాప్రతినిధిని  అలా ఈడ్చుకెళ్లడం  దారుణమని  వ్యాఖ్యానించారు.  భూ వివాదం  కేసులో  పోలీసులు అంత అత్యుత్సాహం  ప్రదర్శించాల్సిన   అవసరం ఏముందని  ఆయన ప్రశ్నించారు.  పోలీసుల  తీరుపై  ముఖ్యమంత్రికి  ఫిర్యాదు  చేశానని .. చర్యలు  తప్పక ఉంటాయని  మంత్రి  దానం నాగేందర్  అన్నారు.