Posted: 01/31/2013 06:45 PM IST

ఇప్పటి వరకు తెలంగాణ పై రాష్ట్ర నాయకులే మాట్లాడటం చేశారు. అందరు నాయకులు తెలంగాణ గురించి మాట్లాడుతున్నారు. నేను కూడా మాట్లాడితే బాగుంటుందనే ఉద్దేశంతో  ఎన్సీపీ నేత  శరద్ పవార్ తెలంగాణ పై మనసులోని మాటలు చెప్పారు. తెలంగాణ రాష్ట్ర ఏర్పాటుపై నిర్ణయం జరిగిపోయిందని, సీమాంధ్రకు కొత్త రాజధాని నిర్మాణం జరిగే వరకు హైదరాబాద్ ఉమ్మడి రాజధానిగా ఉంటుందని ఎన్సీపీ నేత శరద్‌పవార్ తెలిపారు. ఇవాళ ఆయన ప్రధాని మన్మోహన్‌సింగ్‌తో సమావేశమైన అనంతరం విలేకరులతో మాట్లాడారు. యూపీఏ సమన్వయ కమిటీలో చర్చించి వీలైనంత త్వరగా తెలంగాణ సమస్యను పరిష్కరించాలని తాను ప్రధానికి సూచించినట్టు పవార్ స్పష్టం చేశారు.అయితే, తెలంగాణ ఏర్పాటుపై ప్రభుత్వ నిర్ణయం జరిగిపోయిందని, అనుకూలమైన సమయం కోసమే ఎదురు చూస్తున్నామని ప్రధాని మన్మోహన్‌సింగ్ తనతో అన్నారని పవార్ వెల్లడించారు. హైదరాబాద్ నగరం తెలంగాణలో అంతర్భాగమేనని శరద్‌పవార్ స్పష్టం చేశారు. అయితే, సీమాంధ్ర రాష్ట్రానికి కొత్త రాజధానికి నిర్మించుకునే వరకు హైదరాబాద్‌ను ఉమ్మడి రాజధానిగా వాడుకోవాలని ఆయన ప్రధానికి సూచించినట్టు తెలిపారు.