Posted: 01/23/2013 03:26 PM IST

28న తారీఖు దగ్గర పడుతున్న కొద్ది  రాజకీయ నాయకులు  రెచ్చిపోతున్నారు. ఎవరి మాట వారిదే.  రాష్ట్ర ప్రజల గురించి ఆలోచించే నాయకులే కరువైనారు.  కాంగ్రెస్ పార్టీ మాత్రం తెలంగాణ పై ఏదో ఒకటి తేల్చటానికి సిద్దంగా ఉందని కేంద్ర నాయకులు అంటున్నారు. తెలంగాణాపై స్పష్టత ఇచ్చినా ఇవ్వకపోయినా కాంగ్రెస్‌ పార్టీ నష్టపోవడం, రాష్ట్ర రాజకీయాల్లో మాయం కావడం ఖాయమని తెలంగాణ నగారా కన్వీనర్, ఎమ్మెల్యే నాగం జనార్ధన్‌రెడ్డి వ్యాఖ్యానించారు. మండలి, కౌన్సిల్‌ లాంటవి ఇవ్వాలన్నా సుమారు 300 పైచిలుకు ఎంపీలు అవసరమవుతారని బొటాబొటీ మెజార్టీతో యూపీఏకు అది సాధ్యమా అని ఆయన ప్రశ్నించారు. మరోవైపు తెలంగాణా అంశానికి సంబంధించి తాము విశ్వాసంతో కూడిన ఆశతో ఉన్నామని, రాష్ట్రం ఏర్పాటు చేస్తారా చేయరా అనే దానిపై ఎవరికి స్పష్టత, సంకేతాలు లేవని కాంగ్రెస్ ఎంపీ పొన్నం ప్రభాకర్‌ స్పష్టం చేశారు. మీడియాలో వస్తున్న కథనాల్లో వాస్తవం లేదన్నారు. అయితే అధికారం విషమన్న కాంగ్రెస్ పార్టీ ఆ అధికారం కోసమే రాష్ట్ర విభజన ఆలోచన చేయడాన్ని వైఎస్సాఆర్‌ సీపీ తప్పుబట్టింది.