Posted: 01/19/2013 10:21 AM IST

కర్ణాటక మాజీ మంత్రి గాలి జనార్థన్ రెడ్డికి సంబంధించిన ఒబులాపురం, ఓఎమ్.సి మైనింగ్ లీజులలోజరిగిన అక్రమాలలో అరెస్టు అయిన అప్పటి గనులశాఖ డైరెక్టర్ రాజగోపాల్ కి ఎట్టకేలకు బెయిల్ వచ్చింది. ఈ లీజులలో అక్రమాలు జరిగాయంటూ సీబీఐ విచారణ చేపట్టిన విషయం తెలిసిందే. ఈ కేసులో మొదటగా గాలి జనార్థన్ రెడ్డిని,  తరువాత ఆయన కంపెనీ ఎమ్.డి. శ్రీనివాస్ రెడ్డిని అరెస్టు చేసిన సీబీఐ ఈయన పాత్ర కూడా ఉన్నట్లు తేలడంతో గత నవంబర్ లో ఈయనను కూడా అరెస్టు చేశారు. తంలో ఒకసారి బెయిల్ వచ్చినా , ఆ తర్వాత సిబిఐ అప్పీలు మేరకు హైకోర్టు రద్దుచేసింది.దాంతో రాజగోపాల్ మళ్లీ జైలుకు వెళ్లవలసి వచ్చింది. ఇటీవలే ఈ కేసులో సిబిఐ ఛార్జీషీట్ దాఖలు చేసినందున తనకు బెయిల్ ఇవ్వాలని రాజగోపాల్ సిబిఐ కోర్టును కోరారు. దీంతో రాజగోపాల్ కు ఏభైవేల రూపాయల విలువై పూచికత్తులతో కోర్టు బెయిల్ మంజూరు చేసింది.