Posted: 01/04/2013 07:59 PM IST

పీసీసీ అధ్యక్షుడు బొత్స సత్యనారాయణ   మత విద్వేషాలు రెచ్చగొట్టేవారిపై  చట్టపరమైన  చర్యలు  తీసుకోవాలని  ఆయన అన్నారు.  గాంధీభవన్ లో ఏర్పాటు చేసిన  మీడియా సమావేశంలో   ఆయన మాట్లాడుతూ  మతపరమైన  వ్యాఖ్యలను  రాజకీయ కోణంలో  చూడకూడదని  బొత్స  వ్యాఖ్యానించారు.  అక్బరుద్దీన్  లక్ష్మణ రేఖ దాటి మాట్లాడుతున్నాడని బొత్స అన్నారు.  ఆ రేఖ దాటిన ఎవరిపైనైనా  కఠిన చర్యలు  తీసుకోవాలని , ఎంఐఎం  నేతలేం  మతగురువులు కారని విమర్శించారు.  అన్ని మతాలు కలిసి ఉండే దేశం కేవలం  భారతదేశం మాత్రమే అని  బొత్స  సత్యనారాయణ  వివరించారు.  ఒక ఎమ్మెల్యే స్థాయిలో  ఉండి  హిందు మతం పై  విమర్శలు చేయటం  చాలా దారుణమైన విషయమని బొత్స అన్నారు.  అక్బరుద్దీన్ మీద చర్చలు తీసుకోవటానికి  పోలీసులు సిద్దంగా ఉన్నారని  బొత్స చెప్పారు.  తన రాజకీయ లబ్ది కోసం , మతాల మీద, హిందు దేవుళ్లు మీద,  కులాలు మీద విమర్శలు చేయటం మానుకోవాలని  ఆయన హితువు పలికారు.  హిందువులు, ముస్లీంలు  సోదరభావంతో  ఉన్నారని, ఇలాంటి సమయంలో  అక్బరుద్దీన్  ఇలాంటి విమర్శులు చేయటం వల్ల  ప్రజల మనోభావాలు  దెబ్బతింటాయని  బొత్స  అన్నారు.