Posted: 01/03/2013 01:46 PM IST

అనంతపురంలో  ప్యాక్షనిజం గొడవలు  మళ్లీ  పుడుతున్నాయి.  గత మూడు రోజుల నుండి  అనంతపురంలో  పోలీసులు  తనిఖీలో ముమ్మరం చేస్తున్నారు.  దీంతో  అనంతపురం ప్రజలు  ఎప్పుడు  ఏం జరుగుతుందోనని భయంతో  వణికిపోతున్నారు.  టీడీపీ ఎమ్మెల్యే పరిటాల  సునీత  కొడుకు  పరిటాల శ్రీరామ్ పై  పోలీసులు కేసు పెట్టిన విషయం తెలిసిందే. అయితే  కాంగ్రెస్ నాయకుడు పై హత్యకు కుట్ర చేసాడనే దానిపై శ్రీరామ్ కోసం పోలీసులు కేసుపెట్టారు.  అయితే  ఇదీకేవలం  కావాలని చేస్తున్నారని టీడీపీ ఎమ్మెల్యే పరిటాల సునీత, టీడీపీ నాయకులు ఆరోపిస్తున్నారు. పరిటాల సునీత మాత్రం కాంగ్రెస్  నాయకుడు సుధాకర్ రెడ్డి  కుటుంబంతో  తమకు  వ్యక్తిగతంగాను,  పార్టీ పరంగానూ ఎలాంటి శత్రుత్వం లేదని ఎమ్మెల్యే  పరిటాల సునీత తెలిపారు.  హత్య నిందితులను  పట్టుకోలేని  పోలీసులు  తన కుమారుడి  అరెస్టుకు తొందరెందుకు పడుతున్నారని  సునీత ప్రశ్రించారు.   హత్యాయత్నం కేసులో ఆరుగురు  నిందితులు  పట్టుపడితే  ముగ్గురి అరెస్టు ఎందుకు చూపడంలేదో పోలీసులు  తెలపాలని  డిమాండ్  చేశారు.  మహిళా  ఎమ్మెల్యే  ఇంట్లో  సోదాలు  చేసేటప్పుడు  మహిళా కానిస్టేబుల్స్ ను ఎందుకు  తీసుకురాలేదని  ఆమె ప్రశ్నించారు.  ఇలా పోలీసుల ఎందుకు చేస్తున్నారో మాకు అర్థం కావటం లేదని  సునీత అంటున్నారు.