Posted: 12/28/2012 11:15 AM IST

అఖిల పక్ష సమావేశం  ఈరోజు ఉదయం  ఢిల్లీలో జరుగుతుంది.   అయితే   తెలంగాణ పై డిసెంబర్  9 ప్రకటనకు కట్టుబడి  ప్రత్యేక  రాష్ట్రం ఏర్పాటు  చేయాలని  కేంద్రాన్ని  కోరతామని  భాజపా  రాష్ట్ర  అధ్యక్షుడు  కిషన్ రెడ్డి  అన్నారు.  అఖిల  పక్ష బేటీలో  పాల్గొనేందుకు   ఆయన నార్త్  బ్లాక్ లోని  హోంశాఖ కార్యాలయానికి  వచ్చారు.   కాంగ్రెస్ పార్టీ , కేంద్ర ప్రభుత్వ వైఖరి  ప్రకటించాలని  ఈ అఖిల పక్షంలో  నిలదీస్తామని  ఆయన అన్నారు.  తెలంగాణ  రాష్ట్ర ఏర్పాటు పై  రాజకీయ  ప్రక్రియ  ప్రారంభించాలని  డిమాండ్ చేయనున్నట్లు  వెల్లడించారు.  అయితే  అఖిలపక్ష సమావేశంలో కాంగ్రెస్‌ ప్రతినిధులు పార్టీ అభిప్రాయాన్ని మాత్రమే చెబుతారని చిన్నారెడ్డి అన్నారు. అందరి అభిప్రాయం విన్న తర్వాత కాంగ్రెస్ అభిప్రాయం ఉంటుందని ఆయన తెలిపారు. తెలంగాణపై కాంగ్రెస్‌ పార్టీ డిసెంబర్‌ 9వ తేదీ రోజునే నిర్ణయం తీసుకుందని.. అఖిలపక్ష సమావేశం తర్వాత డిసెంబర్‌ తొమ్మిది ప్రకటన పునరావృతం అవుతుందని చిన్నారెడ్డి వ్యాఖ్యానించారు.