Posted: 11/10/2012 11:14 AM IST

ప్రముఖ దర్శకుడు కోడి రామకృష్ణ అస్వస్థతకు గురయ్యారు. ఊపిరితిత్తుల్లో సమస్య ఏర్పడడంతో చెన్నైలోని విజయ ఆసుపత్రిలో శుక్రవారం సాయంత్రం చేరారు. ఆయనకు వైద్యులు అత్యవసర సేవలు అందిస్తున్నారు. ఊపిరితిత్తుల్లో నీరు చేరడం వల్ల సమస్య తలెత్తినట్లు వైద్యులు తెలిపారు. నీటిని తొలగించే ప్రయత్నం చేస్తున్నామని చెప్పారు. అయితే రక్త ప్రసరణ తగ్గుతూ పెరుగుతూ ఉండడం వల్ల మరో 24 గంటలు చికిత్స అవసరమని పేర్కొన్నారు. కాగా సమస్య అంత తీవ్రమైనది కాదని కోడి రామకృష్ణ బంధుమిత్రులు తెలియజేశారు.  దీంతోనే అస్వస్థతకు గురయ్యారని ఆయన కూతురు దివ్యదీప్తి మీడియాకు తెలిపారు. ప్రస్తుతం కోలుకుంటున్నారని, ఆందోళన చెందాల్సిన అవసరం లేదని అభిమానులకు సూచించారు.