Posted: 11/07/2012 07:11 PM IST

అముర్‌స్కయా నౌక జాడ తెలియడంలేదని రష్యా దేశ రవాణా పర్యవేక్షక విభాగం వెల్లడించింది. 700 టన్నుల బంగారు ఖనిజాన్ని కిరణ్ ఓడరేవు నుంచి ఓకొట్‌స్కీ నౌకాశ్రయానికి ఇందులో తరలిస్తున్నారు. నౌక ప్రమాదంలో ఉందని తెలియజేస్తూ శాంతర్ ద్వీపానికి ఆ నౌక నుంచి వెలుతురు రూపంలో ఒక అత్యవసర సంకేతం అందింది. దీంతో ఆ నౌక జాడను కనిపెట్టేందుకు టాంకర్ నొవిక్ అనే సహాయ నౌకను పంపారు. అది అముర్‌స్కయా జాడను కనిపెట్టలేకపోయింది. ఈ సహాయ నౌకలో ఉన్న బీ-200 అనే విమానం గాలింపు చర్యలు కొనసాగిస్తోంది. తుఫాను వాతావరణం ఉండటంతో గాలింపు చర్యలు కష్టమవుతున్నాయి.