Posted: 10/10/2012 07:25 PM IST

ప్రత్యేక రాష్ట్రం కోసం తెలంగాణ వాదులు, తెలంగాణ నాయకులు, తెలంగాణ ప్రజలు, తెలంగాణ కాంగ్రెస్ నాయకులు పోరాటాలు , ఉద్యమాలు చేస్తుంటే. కాంగ్రెస్ మంత్రి గంటా శ్రీనివాసరావు మాత్రం రాష్ట్రం విడిపోదు అని ప్రకటన చేశాడు.  రాష్ట్రం  సమైక్యంగా ఉంటుందని గట్టి నమ్మకంతో  ఉన్నామని ఆయన అన్నారు. అదే నమ్మకం  తెలంగాణ కాంగ్రెస్ నాయకుల్లో లేకపోవడం  వల్లే వారు పోరాటం  చేస్తున్నారని  మంత్రి అన్నారు.  ఆయన విశాఖ జిల్లా చోడవరం  సమీపంలోని  గోవాడలో ఆయన విలేకరులతో  మాట్లాడారు. తెలంగాణ  ఒక వేళ ఇస్తే ఈ ప్రాంత నేతల పోరాటం  ఏ స్థాయిలో  ఉంటుందో చెప్పనవసరం లేదన్నారు.  అందుకు డిసెంబర్ 9న చిదంబరం  ప్రకటన  తర్వాత  పార్టీలకతీతంగా వచ్చిన ప్రతిస్పందనే నిదర్శనమన్నారు.  ఆంద్రా, రాయల సీమ నేతల  ఆస్తుల పై  దాడులు  చేస్తామంటూ తెలంగాణ నేతలు హెచ్చరికలు చేయడం సరికాదని మంత్రి అన్నారు.