Posted: 09/08/2012 04:38 PM IST

మొబైల్ మాటలతో.. మనిషి యొక్క బంధాల దూరం  పెరుగుతుందని అంటున్నారు.  సెల్ ఫోన్ వల్ల ప్రతి ఇద్దరి వ్యక్తుల మద్య దూరం పెరుగుతుందని  శాస్త్రవేత్తలు అంటున్నారు.  మన మాటలను సుదూర తీరాలకు మోసుకేళ్లే  సెల్ ఫోన్ల  వల్ల సంబంధాలు  దెబ్బతింటాయని శాస్త్రవేత్తలు  తేల్చారు. ఒక సెల్ ను  గదిలో పెట్టి .. మన బందువులతో మాటడుతున్నప్పుడు ఆ ప్రభావం  చాలా ఎక్కువుగా ఉంటుందని  విశ్వవిధ్యాలయానికి  చెందిన శాస్త్రవేత్తల పరిశోధనలో  తేలింది.  మొబైల్ ఉండటం వలన  ఇద్దరు వ్యక్తుల మధ్య సంబంధభాందవ్యాల్లో వచ్చే  తేడాలను  వారు గుర్తించినట్లు చెబుతున్నారు.   దీని పై వారు రెండు ప్రయోగాలను చేశారట.  మొదటి  ప్రయోగం  ఒక ప్రైవేటు బూత్ లలో  వాలంటీర్లను  జంటలుగా  కూర్చోబెట్టి... వారికి కనిపించేలా ఒక పుస్తకం  పెట్టారు. 

దీనికి తోడుగా కొన్ని  బూత్ లలో నోట్ పుస్తకాలు, మిగతవాటిలో సెల్ ఫోన్లు పెట్టారు.  ఆ తర్వాత అసక్తికరమైన ఒక వ్యక్తిగత అంశం గురించి రెండో వ్యక్తికి  వివరించాలని పరిశోధకులు  కోరారు. అయితే వారు 10 నిమిషాలే మాట్లాడుకున్నా.. సెల్ ఫోన్  ఉనికి  పెను ప్రభావం  చూపినట్లు  వెల్లడైంది.  సెల్ ఫోన్ కళ్లెదుట  ఉన్న వాలంటీర్లు.. తమ భాగస్వామితో  మాటామంతీ  అంత నాణ్యంగా  సాగలేదని  చెప్పారు.  రెండో ప్రయోగంలో  ..పరిచయం  లేని వ్యక్తులను  జంటలుగా చేసి, వారిని పిచ్చాపాటిగా మాట్లాడుకోవాలని  సూచించారు.  ఇందులో  కూడా  సెల్ ఫోన్  ఎదురుగా ఉన్నప్పుడు  అనుబంధంలో నాణ్యత  తగ్గినట్లు  గుర్తించారు.